మంచు మనోజ్‌

ప్రత్యేక హోదా ఉద్యమానికి సినీ రంగం నుంచి కూడా మద్ధతు పెరుగుతోంది. ఇప్పటికే యంగ్ నిఖిల్‌, దర్శకుడు కొరటాల శివ వంటి వారు హోదా కోసం తమ గళం వినిపించగా బీవీయస్‌ రవి, కొనవెంకట్‌లు కూడా తమ అభిప్రాయాన్ని తెలిపారు. తాజాగా ఈ లిస్ట్‌లో మరో యంగ్ హీరో మంచు మనోజ్‌ కూడా చేరిపోయాడు. తాజాగా ట్వీటర్‌లో అభిమానులు అడిగిన ప్రశ్నలకు సమాధానంగా ఘాటుగా స్పందించాడు మనోజ్‌.

మహారాష్ట్ర ప్రభుత్వం రైతుల డిమాండ్లను అంగీకరించిన విషయం గుర్తు చేసిన ఓ అభిమానికి సమాధానంగా ‘మనకు స్పెషల్‌ స్టేటస్‌ కూడా ఇస్తా అన్నారు. చిప్ప తప్ప ఏమీ మిగల్లా. సెంటర్‌ ని నమ్ముకుంటే సంకనాకి పోతాం.’ అన్నారు. రాష్ట్రంలో ఏ పార్టీని నమ్మాలన్న ప్రశ్నకు సమాధానంగా నిన్ను నువ్వు నమ్ముకోవటం బెస్ట్‌ అని సమాధానమిచ్చారు. స్టేటస్‌ అయినా, ప్యాకేజ్‌ అయిన ఇవ్వాల్సింది సెంటర్‌ కదా ఎవరిని నమ్మాలి అన్న ప్రశ్నకు బదులుగా ‘దక్షిణాదిలో రెండో రాజధాని పెట్టేవరకు మనకి ఈ బానిస బతుకులు తప్పవ్‌’ అంటూ విమర్శించారు.