ప్రభుకు సైమశ్రీ అవార్డు

సీనియర్ నటుడు ప్రభును సైమశ్రీ అవార్డుతో సత్కరించనున్నారు. దక్షిణ భారత చలన చిత్రోత్సవాలు (సైమా) గత ఏడాది ప్రారంభమయ్యాయి. వీటిని అంగరంగవైభవంగా నిర్వహించారు. మళ్లీ ఈ నెల 12, 13 తేదీల్లో షార్జాలోని ఎక్స్‌పో ఆడిటోరియంలో ఘనంగా నిర్వహించనున్నారు. ఈ చిత్రోత్సవాల్లో తమిళం, తెలుగు, మలయాళం, కన్నడ భాషలకు చెందిన హీరో, హీరోయిన్, దర్శకుడు, నిర్మాత, సంగీత దర్శకుడు, గాయనీగాయకులు తదితర 19 శాఖలకు చెందిన ఉత్తమ కళాకారులను ఎంపిక చేసి గౌరవించనున్నారు. ఈ అవార్డులను ఆన్‌లైన్ ద్వారా ప్రేక్షకులు ఎంపిక చేసిన కళాకారులకు అందించనున్నారు.