TV
మల్లన్న సేవలో భన్వర్‌లాల్
శ్రావణమాసం సందర్భంగా శ్రీ భ్రమరాంబామల్లికార్జునస్వామి వార్లను రాష్ట్ర ఎలక్షన్ కమీషనర్ భన్వర్‌లాల్ దర్శించుకున్నారు.
శ్రీశైలం(కర్నూలు జిల్లా): శ్రావణమాసం సందర్భంగా శ్రీ భ్రమరాంబామల్లికార్జునస్వామి వార్లను రాష్ట్ర ఎలక్షన్ కమీషనర్ భన్వర్‌లాల్ దర్శించుకున్నారు. శ్రావణ మాసం సందర్భంగా ఆదివారం శ్రీశైలం చేరుకున్న ఆయన కుటుంబసమేతంగా స్వామి వారిని దర్శించుకున్నారు.
ప్రధాన ఆలయ గోపురం వద్ద ఈఓ సాగర్‌బాబు ఆలయ మర్యాదలతో భన్వర్‌లాల్‌కు స్వాగతం పలికారు. స్వామివారికి రుద్రాభిషేకం, అమ్మవారికి కుంకుమార్చన తదితర విశేషపూజలను శాస్త్రోక్తంగా నిర్వహించుకున్నారు. ఆలయ అర్చకులు భన్వర్‌లాల్‌కు తీర్ధప్రసాదాలు అందించారు.
