లండన్: బాలీవుడ్ నటి మాధురీ దీక్షిత్ అత్యంత స్ఫూర్తిదాయకమైన ఆల్‌టైమ్ ఫిమేల్ బాలీవుడ్ ఐకాన్‌గా నిలిచారు. బ్రిటన్‌లోని బ్రాడ్‌ఫోర్డ్‌లో నిర్వహించిన ‘బ్రాడ్‌ఫోర్డ్ ఇన్‌స్పిరేషనల్ వుమెన్ అవార్డ్స్ (బివా)’ మూడో వార్షికోత్సవంలో మాధురీకి ఈ అరుదైన  గౌరవం దక్కింది. బివాలో ఫిమేల్ బాలీవుడ్ ఐకాన్ కేటగిరీని గతేడాదే ప్రకటించగా.. ఆ గౌరవం పొందిన తొలి వ్యక్తిగా మాధురీ నిలిచారు. ఆల్‌టైమ్ మోస్ట్ ఇన్‌స్పిరేషనల్ ఫిమేల్ బాలీవుడ్ ఐకాన్‌గా తనను ఎంపికచేయడం పట్ల మాధురీ హర్షం వ్యక్తంచేశారు. తనకు ఈ గౌరవం కట్టబెట్టిన ఇన్‌స్పిరేషనల్ వుమెన్స్ ఫౌండేషన్‌కు కృతజ్ఞతలు చెబుతూ మాధురీ పంపిన వీడియో సందేశం వేదికపై ప్రదర్శించారు.