రోజురోజుకి పెరుగుతున్న ఎండలకు మనుషులు పిట్టల్లా రాలుతున్నారు. శ్రీకాకుళం జిల్లా హిరమండలంలోని గులుమూరు గ్రామానికి చెందిన గుడివిడ అప్పయ్య(45) శుక్రవారం కూలి పనికి వెళ్లి సొమ్మసిల్లి పడిపోయాడు. దీంతో స్థానికులు అతన్ని ఆస్పత్రికి తరలించగా.. అప్పటికే మృతిచెందినట్లు వైద్యులు తెలిపారు.
 
  


 కల్లు గీయడానికి చెట్టుపైకి ఎక్కిన గీత కార్మికుడు ప్రమాదవశాత్తు అక్కడి నుంచి పడి మృతిచెందాడు. ఈ సంఘటన విశాఖ జిల్లా అచ్యుతాపురం మండలం ఇరువాడ గ్రామంలో సోమవారం చోటుచేసుకుంది. గ్రామానికి చెందిన అప్పయ్య(45) కల్లు గీసుకుంటూ జీవనం సాగిస్తున్నాడు. ఈక్రమంలో ఈ రోజు ఉదయం కల్లు గీయడం కోసం చెట్టు ఎక్కి అక్కడి నుంచి పడి మృతిచెందాడు. సమాచారం అందుకున్న పోలీసులు కేసు నమోదు చేసుకొన దర్యాప్తు చేస్తున్నారు.