హైదరాబాద్‌: నగరంలో ఓ యువతి కిడ్నాప్ గురైన ఘటన మైలార్‌దేవ్‌పల్లి పోలీస్‌స్టేషన్ పరిధిలోచోటుచేసుకుంది.
 దుర్గానగర్ కాలనీలో నివాసముంటున్న అర్చనా దూబే(22) అనే యువతి బుధవారం రాత్రి ఇంటికి సమీపంలో ఉన్న ఓ కిరాణా షాపులో సరుకులు కొనేందుకు వెళ్లింది. ఆ సమయంలో బైక్‌పై వచ్చిన ఓ గుర్తుతెలియని వ్యక్తి ఆమెను బలవంతంగా ఎత్తుకెళ్లినట్లు స్థానికులు చెబుతున్నారు. ఈ ఘటనపై ఆమె తండ్రి వినోద్ దూబే స్థానిక పోలీస్ స్టేషన్లో ఫిర్యాదు చేశాడు. పోలీసులు కేసు నమోదు చేసుకుని దర్యాప్తు ప్రారంభించారు.