నీతి నిజాయతీకి మారుపేరుగా నిలిచే పోలీసాఫీసర్‌గా అర్జున్ నటించిన తమిళ చిత్రం ‘మాసి’ తెలుగులో విడుదల కానుంది. డ్రీమ్స్ యానిమేషన్ ప్రై. లిమిటెడ్ సమర్పణలో శ్రీ ఓబులేశ్వర ప్రొడక్షన్స్ సంస్థ ద్వారా తమటం కుమార్‌రెడ్డి అందించనున్నారు. 
  
  ‘అర్జున్ ఐపీఎస్’ పేరుతో ఈ చిత్రం విడుదల కానుంది. త్వరలో పాటలను, సెప్టెంబర్‌లో సినిమాని విడుదల చేయాలనుకుంటున్నారు. ఈ సందర్భంగా నిర్మాత మాట్లాడుతూ -‘‘అర్జున్ చేసిన పోలీసాఫీసర్ పాత్ర అందర్నీ ఆకట్టుకునే విధంగా ఉంటుంది. 
  
  తమిళంలో పలు విజయవంతమైన చిత్రాలకు దర్శకత్వం వహించిన కిచ్చా ఈ సినిమాని అద్భుతంగా తెరకెక్కించారు. ఘంటసాల రత్నకుమార్ పదునైన సంభాషణలందించారు’’ అని చెప్పారు. అర్జున్ సరసన అర్చనాగుప్త కథానాయికగా నటించిన ఈ చిత్రంలో కోట శ్రీనివాసరావు, ప్రదీప్ రావత్, పొన్నాంబలం తదితరులు ఇతర పాత్రలు చేశారు.