మైసూరు: మహిళ స్నానం చేస్తుండగా చాటుగా వీడియోలు తీసి తద్వారా బెదిరింపులకు పాల్పడతున్న తండ్రీ కొడుకుపై బాధితురాలు పోలీసులకు ఫిర్యాదు చేసింది. హెబ్బాలలో సదరు మహిళ ఇంటి పక్కన ఉండే ప్రమోద్, అతని తండ్రి గోవిందరాజు నిందితులు. బాధితురాలి భర్త పనికి వెళ్ళిన సమయంలో ఇంటి ముందు బాత్‌రూంలో స్నానం చేస్తున్న సమయంలో తండ్రీ కొడుకు కలిసి గుట్టుగా మొబైల్‌ ఫోన్‌లో వీడియో తీశారు. దానిని ఆమె మొబైల్‌ఫోన్‌కు పంపి లైంగికంగా వేధించడంతో పాటు డబ్బులు ఇవ్వాలని ఒత్తిడి చేయసాగారు. దీంతో బాధితురాలు, ఆమె భర్త హెబ్బాల పోలీసులకు ఫిర్యాదు చేయగా కేసు నమోదు చేశారు. (చదవండి: రక్షకుడే భక్షకుడై దారుణకాండ)


 తాడేపల్లి : గుంటూరు జిల్లా తాడేపల్లి మండలం పొలకంపాడులో మహిళల పట్ల అసభ్యకరంగా ప్రవర్తిస్తున్న ఓ వ్యక్తికి దేహశుద్ధి చేశారు. వివరాల్లోకి వెళ్తే.. పొలకంపాడు గ్రామానికి చెందిన వెంకటేశ్వరరావు(48) అనే వ్యక్తి స్నానం చేస్తున్న యువతులను సెల్‌ఫోన్లతో చిత్రీకరించడంతోపాటు వారితో అసభ్యకరంగా మాట్లాడుతుండడంతో మహిళలు శుక్రవారం అతడిని పట్టుకుని చితక్కొట్టారు. సమాచారం అందుకున్న పోలీసులు అక్కడకు చేరుకుని నిందితుడ్ని అదుపులోకి తీసుకున్నారు. కాగా నిందితుడికి ఓ కుమార్తె, మనువడు ఉన్నారు.