న్యూఢిల్లీ: ఐపీఎల్-7 తొలి విడత మ్యాచ్‌లు నిర్వహించే యునెటైడ్ అరబ్ ఎమిరేట్స్ (యూఏఈ)వేదికలపై బీసీసీఐ సంతృప్తి వ్యక్తం చేసింది. యూఏఈలో మూడు వేదికలైన అబుదాబి, షార్జా, దుబాయ్‌లను బోర్డు బృందం శుక్ర, శనివారాల్లో సందర్శించింది.
  
  ఈ బృందంలో హైదరాబాద్‌కు చెందిన బీసీసీఐ క్రికెట్ ఆపరేషన్స్ జనరల్ మేనేజర్ ఎం.వి. శ్రీధర్ ఉన్నారు. స్టేడియాల్లోని సౌకర్యాలు, పిచ్‌లు, మీడియా ఎక్విప్‌మెంట్‌ను ఈ బృందం పరిశీలించింది.  ‘వేదికలు బాగున్నాయి. ఇక్కడి మౌలిక సదుపాయాలు ఏ ఇతర అంతర్జాతీయ స్టేడియాలకు తీసిపోవు’ అని శ్రీధర్ తెలిపారు.