లండన్‌: ఇంగ్లండ్‌తో జరగుతున్న ఐదో టెస్టు తొలి రోజు బౌలర్లు రాణించడంతో టీమిండియా ఆధిపత్యం కనబర్చింది. టాపార్డర్‌ బ్యాట్స్‌మెన్‌ రాణించడంతో ఆతిథ్య జట్టు భారీ స్కోర్‌ చేసేలా కనిపించింది. కానీ, చివర్లో  బౌలర్లు పుంజుకోవడంతో తొలి రోజు టీమిండియానే పైచేయి సాధించింది. ఒక్క వికెట్‌ నష్టానికి 132 పరుగులు చేసి పటిష్టస్థితిలో ఉన్నట్టు కనిపించిన ఇంగ్లండ్.. అనంతరం 50 పరుగుల వ్యవధిలో ఆరు వికెట్లు కోల్పోయింది. బౌలర్ల ప్రదర్శన చూసి భారత అభిమానులు తెగ సంబరపడిపోయారు. ఈ తరుణంలో బౌండరీ లైన్‌ వద్ద ఫీల్డింగ్‌ చేస్తున్న టీమిండియా డాషింగ్‌ ఓపెనర్‌ శిఖర్‌ ధావన్‌ను భాంగ్రా నృత్యం చేయమని అభిమానులు కోరారు. ఫ్యాన్స్‌ను అలరించడానికి టీమిండియా గబ్బర్‌సింగ్‌ ఎప్పుడూ ముందుంటాడన్న విషయం తెలిసిందే. దీంతో భారత అభిమానుల కోరిక మేరకు భాంగ్రా నృత్యం చేసి అందరినీ అలరించాడు. ధావన్‌ను అనుసరిస్తూ అభిమానులు కూడా నిలబడి నృత్యం చేశారు. ఇక ఆ సమయంలో కామెంటేటర్‌గా వ్యవహిరస్తున్న భారత సీనియర్‌ ఆటగాడు హర్భజన్‌ సింగ్‌ను ధావన్‌తో పాటు నృత్యం చేయాల్సిందింగా ఇంగ్లండ్‌ మాజీ క్రికెటర్‌ డేవిడ్‌ లాయిడ్‌ కోరాడు. ధావన్‌ నృత్యానికి సంబంధించిన వీడియో నెట్టింట్లో హల్‌చల్‌ చేస్తోంది.


 న్యూఢిల్లీ: భారత స్ట్రైలిష్‌ క్రికెటర్‌ యువరాజ్‌ సింగ్‌ జీవితంలో కొత్త ఇన్నింగ్స్‌ను ఆరంభించబోతున్నాడు. తన ప్రియురాలు, బాలీవుడ్‌ నటి హజెల్‌ కీచ్‌ను ఆయన బుధవారం పెళ్లిచేసుకోబోతున్నాడు. యూవీ పెళ్లి వేడుకలు అంగరంగ వైభవంగా జరుగుతున్న సంగతి తెలిసిందే. మంగళవారం చండీగఢ్‌లోని లలిత హోటల్‌లో యూవీ సంగీత్‌ వేడుక అట్టహాసంగా జరిగింది. సినీ, క్రికెట్‌ ప్రముఖులు పాల్గొన్న ఈ వేడుకలో యూవీ డ్యాన్స్‌ స్పెషల్‌ హైలెట్‌గా నిలిచింది. సంగీత్‌ వేడుకలో భాంగ్రా స్టెప్పులు వేస్తూ యూవీ అదరగొట్టాడు. జోష్‌తో యూవీ చేసిన డ్యాన్స్ వీడియో ఇప్పుడు ఇంటర్నెట్‌లో హల్‌చల్‌ చేస్తోంది.
 
 యూవీ పెళ్లి రెండుసార్లు జరగనుంది. బుధవారం చండీగఢ్‌లో సిక్కు సంప్రదాయాల ప్రకారం గురుద్వారలో యూవీ పెళ్లి చేసుకోనుండగా, శుక్రవారం (డిసెంబర్‌ 2న) హిందూ సంప్రదాయాల ప్రకారం గోవాలో వివాహం చేసుకోనున్నారు.
 
 Vekho fir Bhangra Veah wale munde da Jani K Yuvraj singh