లండన్‌: వన్డే వరల్డ్‌కప్‌లో పాకిస్తాన్‌ వరుస ఓటములతో విమర్శలు ఎదుర్కొంటున్న సంగతి తెలిసిందే. ప్రధానంగా భారత్‌తో జరిగిన మ్యాచ్‌ పాకిస్తాన్‌ ఘోర వైఫల్యం చెందడంపై ఆ దేశ అభిమానులు తీవ్ర స్థాయిలో మండిపడుతున్నారు. తమ ఆటగాళ్లకు ఫిట్‌నెస్‌ విషయంలో శ్రద్ధ లేకపోవడం వల్లే గెలవడానికి ఆపసోపాలు పడుతున్నారని  విమర్శలు గుప్పిస్తున్నారు. అయితే దీనిపై పాక్‌ సంతతికి చెందిన బ్రిటీష్‌ బాక్సర్‌ అమిర్‌ ఖాన్‌ స్పందించాడు. ఫిట్‌నెస్‌ విషయంలో తన సలహాలు తీసుకోవాలంటూ పాక్‌ క్రికెటర్లకు సూచించాడు. ‘ఫిట్‌నెస్‌ విషయంలో నేను పాకిస్తాన్‌ క్రికెట్‌ జట్టుకు సాయం చేయడానికి సిద్ధంగా ఉన్నా. ఫిట్‌గా ఎలా ఉండాలో నేను నేర్పిస్తా. ఏ రకమైన ఆహార నియమాలు పాటించాలో చెబుతా. దాంతోపాటు శిక్షణ కూడా ఇస్తా. పాకిస్తాన్‌ క్రికెట్‌ జట్టులో టాలెంట్‌కు కొదవలేదు. కానీ వారి ఫిట్‌నెస్‌ పరంగా మెరుగవ్వాలి’ అని అమిర్‌ పేర్కొన్నాడు. (ఇక్కడ చదవండి: ‘సర్ఫరాజ్‌ స్లీప్‌ ఫీల్డర్‌’)   భారత్‌పై ప్రతీకారం తీర్చుకుంటా వరల్డ్‌కప్‌లో పాకిస్తాన్‌కు ఎదురైన ఓటమికి తాను ప్రతీకారం తీర్చుకుంటానని అమిర్‌ అన్నాడు. జూలై 12వ తేదీన సౌదీ అరేబియా వేదికగా జరుగనున్న బాక్సింగ్‌ పోరులో భారత బాక్సర్‌ నీరజ్‌ గోయత్‌ను నాకౌట్‌ చేస్తానంటూ సవాల్‌ విసిరాడు. ఇది మెగాటోర్నీలో భారత్‌పై పాక్‌కు ఎదురైన ఓటమికి ప్రతీకారంగా భావిస్తానన్నాడు. దీనికి నీరజ్‌ గోయత్‌ స్పందిస్తూ..  ‘అలాగే కలలు కంటూ ముందుకు సాగు. నా విజయానికి నువ్వే సాక్షి. అదే సమయంలో భారత్‌ కూడా నీ ఓటమిని చూస్తుంది’ అంటూ కౌంటర్‌ ఇచ్చాడు. Would love to help Pakistan cricket team with some advise on how to stay fit and strong. How to be disciplined on food, diet and training. The team has talent but need to improve on Strength & conditioning and focus @TheRealPCB pic.twitter.com/GEUplrqdpP — Amir Khan (@amirkingkhan) 17 June 2019 keep dreaming 😂😂@amirkingkhan You will witness my victory and india’s as well #khangoyat #IndPak https://t.co/NWXGuVwzZj — Neeraj Goyat (@GoyatNeeraj) 16 June 2019


 తనతో భవిష్యత్తులో బాక్సింగ్ రింగ్‌లో పోటీపడేందుకు సిద్ధంగా ఉన్నట్లు భారత బాక్సర్ విజేందర్ సింగ్ చేసిన వ్యాఖ్యలపై బ్రిటిష్  బాక్సర్ అమీర్ ఖాన్ మరోసారి తీవ్రంగా స్పందించాడు. 'విజేందర్ నాతో పోటీకి సిద్ధమని చాలెంజ్ చేయడం ఏంటి? అతడికి ఇది చాలా తమాషాగా ఉంది. అసలు విజేందర్కు కెరీర్ లేకుండా చేస్తాను' అని అమీర్ పేర్కొన్నాడు. తనలాంటి స్టార్ ఆటగాళ్లతో పోటీకి రెడీ అని వ్యాఖ్యానించేముందు ఎంతో అనుభవాన్ని సంపాదించాలని విజేందర్కు సూచించాడు.
 
 ప్రస్తుతం మిణికట్టు సర్జరీ చేయించుకున్న అమీర్.. విజేందర్ తో పోటీకి తాను సిద్ధమేనని, అయితే ఇంతటి పెద్ద బౌట్లో పాల్గొనాలంటే ఎంతో అనుభవం కావాలని అందుకు కొన్నేళ్ల సమయం పడుతుందన్నాడు. డబ్ల్యూబీఏ లైట్‌వెయిట్ ప్రపంచ చాంపియన్‌గా ఉన్న అమీర్, ఒలింపిక్స్‌లో ఓ రజతం కూడా సాధించాడు. పాకిస్తాన్-భారత్ సంబంధాల తరహాలోనే ఈ బౌట్ చాలా ప్రత్యేకంగా ఉంటుందని, భారత్-పాకిస్తాన్ మధ్య జరిగే క్రికెట్ మ్యాచ్ క్రేజ్ ఉంటుందని అభిప్రాయపడ్డాడు.
 
 వచ్చే 10 బౌట్లు విజేందర్కు సవాల్ విసురుతాయన్నాడు. అతడి ఆటను, బౌట్ కెరీర్ గ్రాఫ్ ను తాను గమనిస్తున్నట్లు వెల్లడించాడు. మా ఇద్దరి మధ్య జరిగే బౌట్ బ్లాక్ బస్టర్గా నిలవడం ఖాయమనీ, అలాకాని పక్షంలో విజేందర్కు తానెప్పుడు మద్ధతిస్తానని పేర్కొన్నాడు. వరుస బౌట్లలో విజయాలతో దూసుకెళ్తోన్న విజేందర్‌ను చిన్నపిల్లాడితో పోల్చుతూ అమీర్ ఇదివరకే ట్వీట్ చేశాడు. విజేందర్ తన కోరిక(అమీర్తో బౌట్) విషయంలో చాలా జాగ్రత్తగా ఉండాలని సూచించాడు.