న్యూఢిల్లీ: ఆర్థిక మంత్రి అరుణ్‌జైట్లీ జనవరి 4వ తేదీ నుంచి వచ్చే ఆర్థిక సంవత్సరం (2016-17) బడ్జెట్‌కు సంబంధించి పరిశ్రమ, వాణిజ్య సంఘాలు, ఆర్థికవేత్తలుసహా పలు వర్గాల నుంచి అభిప్రాయాలను తెలుసుకోనున్నారు. ఫిబ్రవరి చివర్లో ఆయన తన రెండవ పూర్తి స్థాయి బడ్జెట్‌ను లోక్‌సభలో ప్రవేశపెట్టనున్న సంగతి తెలిసిందే.
  
 ఆర్థిక మంత్రిత్వశాఖ గురువారం విడుదల చేసిన ప్రకటన ప్రకారం జైట్లీ వివిధ రంగాల ప్రతినిధులతో జనవరిలో సంప్రదింపులు జరిపే తేదీలను పరిశీలిస్తే...
   4: వ్యవసాయం, వాణిజ్య సంఘాల ప్రతినిధులు    5: ఆర్థికవేత్తలు
  6: పారిశ్రామికవర్గాలు    7: ఐటీ రంగం ప్రతినిధులు   11: ఫైనాన్షియల్ రంగం రెగ్యులేటర్లు
  12: బ్యాంకులు ఇతర ఆర్థిక సంస్థల ప్రతినిధులు
 
  ఆన్‌లైన్‌లో కూడా: బడ్జెట్ రూపకల్పనపై ఆన్‌లైన్‌లో కూడా సూచనలు అందించడానికి కేంద్రం వీలు కల్పిస్తోంది. ఇందుకు జ్ట్టిఞ:// ఝడజౌఠి.జీఛి.జీఞౌట్ట్చను వినియోగించుకోవాలని ఆర్థిక శాఖ విజ్ఞప్తి చేసింది.
  
  


 సాక్షి, హైదరాబాద్: బడ్జెట్ రూపకల్పనపై కేంద్ర ప్రభుత్వం కసరత్తు ప్రారంభించింది. రాష్ట్రాల నుంచి సలహాలు, సూచనలు స్వీకరించేందుకు కేంద్ర ఆర్థిక మంత్రి అరుణ్ జైట్లీ శుక్రవారం ఢిల్లీలో రాష్ట్రాల ఆర్థిక మంత్రులతో సమావేశం ఏర్పాటు చేశారు. దీనిలో పాల్గొనేందుకు తెలంగాణ ఆర్థిక మంత్రి ఈటెల రాజేందర్ గురువారం రాత్రి ఢిల్లీకి బయల్దేరి వెళ్లారు. స్థూల ఆర్థిక విధానం, ద్రవ్య సుస్థిరతకు సంబంధించిన అంశాలపై ప్రధానంగా చర్చించనున్నారు. కేంద్ర, రాష్ట్రాల మధ్య సమన్వయం, సహకారంపై దృష్టి సారించనున్నారు.