షాబాద్‌/రంగారెడ్డి: కూరగాయల సాగులో రైతులు ఆధునిక పద్ధతులు పాటించేందుకు ఆసక్తి చూపిస్తున్నారు. శాశ్వత పందిళ్లు, బిందు సేద్యం, మల్చింగ్, స్ప్రింక్లర్ల ప్రాముఖ్యతపై ఉద్యానశాఖ అధికారులు అవగాహన కల్పించడంతో ఆ పద్ధతిలో పంటలు పండిస్తూ అధిక దిగుబడులు సాధిస్తున్నారు. ప్రభుత్వం పందిరిసాగు ద్వారా కూరగాయలు పండించే రైతులకు ఎకరానికి రూ.లక్ష వరకు సబ్సిడీ అందిచడంతో చాలామంది ముందుకు వస్తున్నారు. కాకర, బీర, దొండ, సోరకాయ విత్తనాలు నాటిన కొద్ది రోజులకే పంట చేతికి వస్తోంది. మార్కెట్‌లో మంచి ధర పలుకుతుండడంతో పెట్టుబడి పోను మంచి లాభాలు వస్తున్నాయి.   దిగుబడి.. రాబడి   జిల్లాలో అత్యధికంగా షాబాద్, మొయినాబాద్, ఇబ్రహీంపట్నం, మంచాల, యాచారం, షాద్‌నగర్, మహేశ్వరం, కందుకూరు మండలాల్లోని రైతులు పందిరి సాగు ద్వారా కూరగాయలు పండిస్తున్నారు. బీర, చిక్కుడు ఎకరానికి 25 వేల పెట్టుబడి.. రాబడి 1.55 లక్షలు ఏడాదిలో రెండుసార్లు సోరకాయ దిగుబడి వస్తోంది. ఎకరానికి రూ.6 వేల వరకు ఖర్చు కాగా, సుమారు 40 క్వింటాళ్ల వరకు దిగుబడి వస్తోంది. మార్కెట్‌లో కిలో రూ.20–25 చొప్పున ధర పలుకుతోంది. నెలలో రూ.50వేల వరకు ఆదాయం వస్తోంది. బీర, చిక్కుడు పంటలకు ఎకరానికి రూ.25వేల వరకు పెట్టుబడి ఖర్చు కాగా, రూ.1.55 లక్షల వరకు రాబడి వస్తోంది.    తక్కువ పెట్టుబడితో..   జిల్లాలోని ఆయా మండలాల్లో ఈ ఏడాది వానాకాలం సీజన్‌లో రైతులు 1,500 ఎకరాల్లో పందిరి సాగు ద్వారా వివిధ రకాల కూరగాయలు పండిస్తున్నారు. ప్రభుత్వం ఎకరానికి రూ.లక్ష చొప్పున 250 మంది రైతులకు.. 550 ఎకరాల వరకు సబ్సిడీ  అందించింది. ఏడాది పొడవునా కూరగాయలను సాగు చేస్తూ తక్కువ పెట్టుబడితో మంచి లాభాలను పొందుతున్నామని రైతులు చెబుతున్నారు.   లాభదాయకం..   కూరగాయలను నేల కంటే పందిరి సాగు విధానంలో పండిస్తేనే లాభదాయకంగా ఉంటుంది. వర్షాలు ఎక్కువగా కురిసినా పంట నాణ్యతగానే ఉంటుంది. ఎకరంలో పందిరి సాగులో కూరగాయలు పండిస్తున్నా. ఏడాదికి రూ.లక్ష వరకు ఆదాయం వస్తోంది. ప్రభుత్వం సబ్సిడీ కూడా ఇవ్వడం బాగుంది.   – అమృత్‌రావు, రైతు, సర్ధార్‌నగర్‌  అవగాహన కల్పిస్తున్నాం  పందిరి సాగుపై ఆయా ప్రాంతాల్లో రైతులకు అవగాహన కల్పిస్తున్నాం. తీసుకోవాల్సిన సస్యరక్షణ చర్యలను సూచిస్తున్నాం. ప్రభుత్వం సబ్సిడీ సైతం అందిస్తోంది. దీంతో చాలా మంది రైతులు పందిరి సాగు విధానానికి ఆసక్తి చూపుతున్నారు. కాకర, బీర, సోర, దొండ పంటలను సాగు చేస్తున్నారు.   – సునందారాణి, జిల్లా ఉద్యానశాఖ అధికారి   చదవండి: Bio Fence: వారెవ్వా.. అప్పుడు ఖర్చు 40 వేలు.. ఇప్పుడు 1500.. కోతుల బెడద లేదు! కాకర, చిక్కుడు.. అదనపు ఆదాయం కూడా.. Sagubadi: కాసుల పంట డ్రాగన్‌! ఎకరాకు 8 లక్షల వరకు పెట్టుబడి! రెండో ఏడాదే అధికాదాయం.. 50 లక్షలకు పైగా!


 పెరుగుతున్న కాకర సాగు విస్తీర్ణం
 సత్ఫలితాలు సాధిస్తున్న రైతులు
 మెలకువలు పాటిస్తే మరింత మేలు
 గజ్వేల్‌ ఉద్యాన అధికారి చక్రపాణి సలహాలు, సూచనలు
 గజ్వేల్‌: పందిరి విధానంలో కాకర సాగుతో రైతులు సత్ఫలితాలు సాధిస్తున్నారు. ఈ పంట సాగు జిల్లాలో రోజురోజుకూ విస్తరిస్తోంది. పంట సాగులో పాటించాల్సిన మెలకువలపై గజ్వేల్‌ ఉద్యాన అధికారి చక్రపాణి (సెల్‌: 83744 49345) సలహాలు, సూచనలు మీ కోసం...
 విత్తన రకాలు(సాధారణం): పూసాదోమౌసమి, కోయంబత్తూర్‌ గ్రీన్‌లాంగ్, కో-వైట్‌ లాంగ్, అర్కహరిత, పూసా, విశేష్, డీకే-1, ప్రియ, మహికో గ్రీన్‌లాంగ్‌
 హైబ్రీడ్‌ రకాలు: ఎంబీటీహెచ్‌-101, 102, ఎస్‌.ఎస్‌-431, 432, బీఐటీ-711, శ్వేత, పూనం, శ్రేయ, ప్రాచీ, పాలి.
 విత్తన మోతాదు:
 ఎకరాకు 1.8 నుంచి 2.4 కిలోలు
 రెండు వరుసల మధ్య దూరం:
 వేసవిలో 1.5 మీటర్లు
 ఖరీఫ్‌లో 2.5 మీటర్లు
 వరుసలో రెండు పాదుల మధ్య దూరం:
 వేసవిలో 0.5 మీటర్లు
 ఖరీఫ్‌లో 0.75 మీటర్లు
 విత్తే పద్ధతి:
 భూమి మీద పాకించే పాదులకు, వర్షాకాలంలో నీటి కాల్వలకు తోడుగా మురుగు నీరు పోవడానికి 2 మీటర్ల దూరంలో కాల్వలు చేయాలి. వేసవిలో వేసే పాదులకు పొలం అంతటా నీటిపారుదలకు బోదెలు చేయాలి. 15X10 సెం.మీల పాలిథిన్‌ సంచుల్లో విత్తుకొని 15-20 రోజులు పెరిగిన తర్వాత అదును చూసి పొలంలో విత్తుకోవాలి.
 విత్తనశుద్ధి:
 కిలో విత్తనానికి 3 గ్రాముల థైరమ్‌, 5 గ్రాముల చొప్పున ఇమిడాక్లోప్రిడ్‌ ఒకదాని తర్వాత మరోటి కలిపి విత్తన శుద్ధి చేయాలి. ఆ తర్వాత 100 గ్రాముల విత్తనానికి 2 గ్రాముల చొప్పున ట్రైకోడెర్మావిరిడితో విత్తనశుద్ధి చేయాలి.
 ఎరువులు:
 విత్తే ముందు ఎకరాకు 8-10 టన్నుల పశువుల ఎరువు, 32-40 కిలోల భాస్వరం, 16-20 కిలోల పొటాష్‌నిచ్చే ఎరువులను గంటలో వేయాలి. నత్రజని (32-40) రెండు సమపాళ్లుగా చేసి విత్తిన 25-30 రోజులకు, పూత పిందె దశలో వేసుకోవాలి. మొక్కకు దగ్గరలో ఎరువు వేయకూడదు. ఎరువు వేసిన వెంటనే మట్టిని కప్పి నీరు పెట్టాలి.
 కలుపు నివారణ, అంతర కృషి:
 కలుపు మొక్కలను ఎప్పటికప్పుడు తీసేయాలి. 2-3 తడుల తర్వాత మట్టిని గుల్ల చేయాలి. ఎకరాకు పెండిమిథాలిన్‌ 1.2 లీటర్ల నీటిని కలిపి విత్తిన 24-48 గంటల్లోపు నేలకు పిచికారీ చేయాలి. మొక్కలు 2-4 ఆకుల దశలో ఉన్నప్పుడు లీటర్‌ నీటికి 3 గ్రాముల బొరాక్స్‌ కలిపి ఆకులపై పిచికారీ చేస్తే ఆడపూలు ఎక్కువగా పూసి పంట దిగుబడి అధికంగా ఉంటుంది. సీసీసీ 250మి.గ్రాముల లేదా మాలిక్‌ హైడ్రోజన్‌ 50 మీ.గ్రాములు లీటర్ల నీటికి కలిపి కూడా ఈ దశలో పిచికారీ చేయవచ్చు.