హైదరాబాద్: పోకిరీ వేషం వేసిన యువకుడికి స్థానికులు దేహశుద్ధి చేసిన ఘటన హైదరాబాద్ లోని కూకట్ పల్లిలోని జయనగర్ కాలనీలో చోటుచేసుకుంది. యువతి స్నానం చేస్తుండగా సెల్ ఫోన్ లో చిత్రీకరించిన యువకుడికి దేహశుద్ధి చేశారు. అనంతరం అతడిని పోలీసులకు అప్పగించారు.
 
 ఓ అపార్ట్ మెంట్ లోని మూడో అంతస్థులో మధ్యాహ్నం 2 గంటల ప్రాంతంలో ఈ ఘటన చోటుచేసుకుంది. నిందితుడు కరీంనగర్ జిల్లా జగిత్యాల వాసిగా గుర్తించారు. ఉన్నత విద్యావంతుడైన అతడు ఈ విధంగా పోకిరీ వేషాలు వేయడం పొరుగువారిని ఆశ్చర్యానికి గురిచేసింది. ఇదేం పనయ్యా అంటూ అతడికి పలువురు గడ్డి పెట్టారు.