‘రాజుగారి గది, మంత్ర 2, విద్యార్థి, జెంటిల్‌ మేన్‌ 2’ వంటి చిత్రాల్లో నటించిన చేతన్‌ శీను హీరోగా ‘భీష్మ పర్వం’ సినిమా రూపొందుతోంది. ప్రేమ్‌ కుమార్‌ దర్శకత్వం వహిస్తున్న ఈ చిత్రంలో రోషిని సహోతా కథానాయిక. ప్రేమ్‌ కుమార్, చేతన్‌ శీను నిర్మాతలు. తొలి సీన్‌కి బెక్కం వేణుగోపాల్‌ క్లాప్‌ కొట్టగా, ఎర్రవెల్లి భాస్కర్, ఎర్రవెల్లి ప్రవీణ్, తరణి భాస్కర్, జయశంకర్‌ కెమెరా స్విచ్చాఫ్‌ చేశారు. ‘‘ఈ చిత్రం కోసం వేసిన 40 అడుగుల కాళీ మాత సెట్‌లో వంద మంది ఫైటర్లతో భారీ యాక్షన్సీ‌న్స్‌ చిత్రీకరిస్తాం’’ అన్నారు దర్శక–నిర్మాతలు.


 చేతన్‌ శీను, సునైన జంటగా మధు గోపు దర్శకత్వంలో ప్రేమ్‌కుమార్‌ పాట్ర సమర్పణలో గణపతి ఎంటర్‌టైన్‌మెంట్స్, పట్నం ప్రొడక్షన్స్‌ బ్యానర్స్‌పై రూపొందిన చిత్రం ‘పెళ్ళికి ముందు ప్రేమకథ’. డీఎస్‌కే, అవినాష్‌ సలండ్ర, సుథాకర్‌ పట్నం నిర్మాతలు. హైదరాబాద్‌లో ట్రైలర్‌ రిలీజ్‌ చేశారు.
 ఈ సందర్భంగా దర్శకుడు మధు గోపు మాట్లాడుతూ – ‘‘ఇండస్ట్రీలో మంచి పేరు తెచ్చుకోవాలన్న లక్ష్యంతో ఈ సినిమా తీశా. యూత్‌పుల్‌ ఎంటర్‌టైనర్‌ ఇది. చేతన్‌ శీను బాగా యాక్ట్‌ చేశాడు. సహకరించిన చిత్రబృందానికి ధన్యవాదాలు. ప్రేక్షకులకు ఫుల్‌ మీల్స్‌ లాంటి చిత్రమిది’’ అన్నారు. ‘‘డి.ఎస్‌. రావుగారు ప్రత్యేక శ్రద్ధ తీసుకున్నారు. సపోర్ట్‌  చేసిన అందరికి థ్యాంక్స్‌. ‘రాజుగారి గది’ కంటే ఈ సినిమా పెద్ద హిట్‌ అవుతుం దని నమ్ముతున్నాను’’ అన్నారు హీరో చేతన్‌ శీను. ఈ కార్యక్రమంలో నిర్మాతలు డి.ఎస్‌. రావు,  మల్కాపురం శివకుమార్, దర్శకుడు ఎ.ఎస్‌. రవికుమార్‌ చౌదరి పాల్గొన్నారు.
  


 ‘‘చాలామంది జీవితాల్లో పెళ్లికి ముందు ప్రేమకథలుంటాయి. ఆ ప్రేమకథలు ఎలా ఉంటాయి. పెళ్లి తర్వాత ఎలాంటి మార్పు లు వస్తాయి?’’ అనే కథతో తెరకెక్కిన చిత్రం ‘పెళ్ళికి ముందు ప్రేమ కథ’.  చేతన్‌ శీను, సునైన జంటగా మధు గోపు దర్శకత్వంలో డి.ఎస్‌.కె, అవినాష్‌ సలండ్ర, సుధాకర్‌ పట్నం నిర్మించారు. ఈ సినిమా ఫస్ట్‌ లుక్‌ పోస్టర్‌ను నిర్మాతలు కేయస్‌ రామారావు, మల్కాపురం శివకుమార్, టీజర్‌ను దర్శకుడు అశోక్‌ విడుదల చేశారు.
 ‘‘పెళ్లికి ముందు నడిచిన లవ్‌స్టోరీస్‌ వల్ల ఓ జంట మధ్య ఎలాంటి మనస్పర్థలొచ్చాయి? వాటిని ఎలా పరిష్కరించుకున్నారు? అన్నది కథ. త్వరలో పాటలు విడుదల చేస్తాం’’ అని దర్శక–నిర్మాతలు చెప్పారు. ఈ చిత్రానికి సంగీతం: యాజమాన్య, సమర్పణ: ప్రేమ్‌కుమార్‌ పాట్ర, మాస్టర్‌ అవినాష్‌ సలండ్‌.