ఉజ్జయిని: ఆపరేషన్‌ థియేటర్‌లో విధులను మరిచి ప్రవర్తించిన ఓ ప్రభుత్వ వైద్యుడు తన ఉద్యోగాన్ని పోగొట్టుకున్నాడు. వివరాల్లోకి వెళ్తే..  మధ్యప్రదేశ్‌లోని ఉజ్జయిని ప్రభుత్వ ఆస్పత్రిలో సివిల్‌ సర్జన్‌గా విధులు నిర్వహిస్తున్న వ్యక్తి.. అదే ఆస్పత్రిలో పనిచేస్తున్న మహిళ నర్సును ఆపరేషన్‌ థియేటర్‌లో ముద్దుపెట్టుకున్నాడు. అయితే ఆపరేషన్‌ థియేటర్లో వీరిద్దరూ సన్నిహితంగా ఉన్న ఈ వీడియో తొలుత ఆస్పత్రికి చెందిన వాట్సాప్‌ గ్రూప్‌లో చక్కర్లు కొట్టింది. ఆ తర్వాత అది సోషల్‌ మీడియాలో  వైరల్‌గా మారింది. ఈ విషయం కలెక్టర్‌ శశాంక్‌ మిశ్రా దాకా వెళ్లడంతో.. ఆయన వెంటనే స్పందించారు. ఆ వైద్యుని విధుల నుంచి తొలగించడంతోపాటు, ఈ ఘటనపై వివరణ ఇవ్వాల్సిందిగా నోటీసులు జారీ చేశారు.  ఈ ఘటనపై జిల్లా వైద్యాధికారి మోహన్‌ మల్వియా మాట్లాడుతూ.. ఈ ఘటనపై విచారణకు ఆదేశించినట్టు తెలిపారు. ఆ వీడియో ఎక్కడ చిత్రీకరించారనే దానిపై స్పష్టత రావాల్సిన అవసరం ఉందన్నారు. కాగా, స్థానిక పోలీసులకు ఈ కేసులో అధికారింగా ఎటువంటి ఫిర్యాదు అందలేదు.  


 హైదరాబాద్‌: స్థానికత ఆధారంగా ప్రభుత్వం బదిలీ చేసిన సివిల్ సర్జన్లకు హైకోర్టులో ఉరట లభించింది. తమ బదిలీలను వెంటనే నిలిపివేయాలంటూ వారు పెట్టుకున్న పిటిషన్‌ మంగళవారం విచారణకు వచ్చింది. ఈ సందర్భంగా వాదనలు విన్న న్యాయస్థానం వైద్యుల ట్రాన్స్‌ఫర్లను వెంటనే నిలిపివేయాలని ప్రభుత్వాన్ని ఆదేశించింది. 10వ తరగతి ఎక్కడ చదివారో అక్కడ స్థానికతగా పరిగణించాలని సూచించింది. ఈ మేరకు తెలంగాణ నుంచి 45 మందిని ఏపీకి, ముగ్గురిని ఏపీ నుంచి తెలంగాణకు బదిలీ చేయాలని యంత్రాంగాన్ని ఆదేశించింది.