తిక్క  లెక్క
 
 మోటార్ సైకిల్ ఎంత పొడవుంటుందేంటి? మహా అయితే కాస్త అటూ ఇటుగా ఆరడుగులు ఉంటుందేమో! అంటారా..? మోటార్ సైకిల్ మీద ఎంత మంది కూర్చోగలరు..? చట్టబద్ధంగా అయితే ఇద్దరు... అయినా ఇండియాలో నలుగురైదుగురు కూడా కూర్చుంటుంటార్లెండి అనుకుంటున్నారా..? ఇదిగో ఈ మహా మోటార్ సైకిల్‌ను చూడండి.
 
 దీని పొడవు ఏకంగా 72 అడుగులు. ప్రపంచంలోనే అతిపెద్ద మోటార్ సైకిల్‌గా గిన్నెస్ రికార్డు సాధించిన ఈ వాహనం మీద ఏకంగా పాతిక మంది సౌకర్యవంతంగా కూర్చోవచ్చు. బ్రిటన్‌లోని లింకన్‌షైర్‌కు చెందిన కోలిన్ ఫర్జ్ అనే ప్లంబర్ దీనిని రూపొందించాడు. దీని తయారీకి ఒక 125 సీసీ ఇంజన్ మోపెడ్‌ను పూర్తిగా, మరో మోపెడ్‌లోని సగభాగాన్ని ఉపయోగించాడు.