శంషాబాద్‌: హైదరాబాద్‌ నుంచి శ్రీలంకలోని కొలంబోకు నేరుగా వెళ్లే విమాన సర్వీసులు పునఃప్రారంభమయ్యాయి. 19 నెలల తర్వాత శుక్రవారం ఉదయం 9.55 గంటలకు 120 మంది ప్రయాణికులతో శ్రీలంక ఎయిర్‌లైన్స్‌ విమానం ఇక్కడి నుంచి కొలంబోకు బయలుదేరింది. వారానికి రెండుసార్లు (సోమ, శుక్రవారం) ఈ విమాన సర్వీసులు ఉంటాయని గెయిల్‌ సీఈఓ ప్రదీప్‌ ఫణీకర్‌ మీడియాకు వెల్లడించారు. అంతకుముందు కొలంబో నుంచి శంషాబాద్‌ విమానాశ్రయానికి చేరుకున్న శ్రీలంక ఎయిర్‌లైన్స్‌ విమానానికి జీఎంఆర్‌ ప్రతినిధులు ప్రత్యేకంగా స్వాగతం పలికారు.   

బడ్జెట్‌ ఎయిర్‌లైన్స్‌ స్పైస్‌ జెట్‌ కొత్త విమాన సర్వీసులను ప్రకటించింది. హైదరాబాద్-కొలంబో మార్గంలో 12 కొత్త విమానాలను నడుపుతామని స్పైస్‌ జెట్‌ మంగళవారం ప్రకటించింది.  ఏప్రిల్‌ 12నుంచి మార్చి 31 నుంచి తమ సేవలను ప్రారంభించనున్నాయి. మంగళవారం, బుధవారాలు మినహా అన్ని రోజులు ఈ విమానాలు నడుస్తాయని పేర్కొంది.  శ్రీలకం, భారత్‌ మధ్య డైరెక్ట్‌ విమాన సదుపాయాన్ని అందుబాటులోకి తేవడం ఇదే తొలిసారి. దీంతోపాటు జాతీయ మార్గంలో మరో11డైరెక్ట్‌ విమానాలను తీసుకురాబోతున్నట్టు ప్రకటించింది. ఇవి మార్చి 31 నుంచి సర్వీసులను ప్రారంభిస్తాయని ‍ స్పైస్‌ జెట్‌ వెల్లడించింది.   హైదరాబాద్- కొలంబో(శ్రీలంక రాజధాని) డైరెక్ట్‌ సర్వీసులు భారతదేశం శ్రీలంకల మధ్య  సంబంధాలకు మద్దతిచ్చేలా తమ నిబద్ధతను మరింత బలపరుస్తోందని  స్పైస్‌ జెట్‌  చీఫ్ సేల్స్ అండ్ రెవెన్యూ ఆఫీసర్‌ శిల్పా భాటియా చెప్పారు.


 సాక్షి, న్యూఢిల్లీ: విశాఖ–కొలంబో మధ్య అంతర్జాతీయ విమాన సేవలను ప్రారంభించడానికి అవసరమైన తుది అనుమతుల మంజూరుకు కేంద్రం ఆమోదం తెలిపింది. శ్రీలంక ఎయిర్‌లైన్స్‌ కొలంబో–విశాఖ మధ్య తన మొదటి సర్వీసును జూలై 8 నుంచి ప్రారంభించనుంది. ఈ విమానం ఉదయం 7.15 గంటలకు కొలంబో నుంచి బయలుదేరి ఉదయం 9 గంటలకు విశాఖ చేరుకుంటుంది.
 
  తిరిగి ఉదయం 10 గంటలకు విశాఖ నుంచి బయలుదేరి మధ్యాహ్నం 12.15 గంటలకు కొలంబో చేరుకుంటుంది. ఈ సర్వీసును వారానికి నాలుగు రోజులు సోమవారం, బుధ, శుక్ర, శనివారాల్లో నడపనున్నారు. పర్యాటకులను ఆకర్షించడానికి శ్రీలంక ఎయిర్‌లైన్స్‌ ఇప్పటికే ప్రత్యేక ప్యాకేజీలను ప్రకటించి టికెట్ల బుకింగ్‌ను ప్రారంభించింది. ఈ సర్వీసు ద్వారా కొలంబో నుంచి హాంకాంగ్, చైనా, జపాన్‌ దేశాలకు వెళ్లే ప్రయాణికులకు విశాఖ నుంచే బోర్డింగ్‌ పాసులు ఇచ్చే సదుపాయం అందుబాటులోకి రానుంది.