హౌరా బ్రిడ్జ్‌ రావడమేంటీ...? మనమే దాని దగ్గరకు వెళ్లి చూడాలి కదా అని అనుకుంటున్నారా? అలాంటిదేమీ లేదండీ. అందాల రాక్షసి ఫేమ్‌ రాహుల్‌ రవీంద్రన్‌ నటిస్తున్న ‘హౌరాబ్రిడ్జ్‌’ సినిమా త్వరలో రిలీజ్‌ కాబోతోంది. హౌరాబ్రిడ్జ్‌ నేపథ్యంలో ఈ సినిమా సాగుతుంది. ఇద్దరు ప్రేమికులను ఈ హౌరాబ్రిడ్జ్‌ కలుపుతుందేమో? అందుకే ఈ సినిమాకు ‘కనెక్టింగ్‌ లవ్‌’ అనే ట్యాగ్‌లైన్‌ పెట్టారు.  ఈ సినిమాలో రాహుల్ సరసన చాందిని, మనాలీ రాథోడ్ లు హీరోయిన్లు గా నటిస్తున్నారు. రాహుల్‌ ప్రస్తుతం దృష్టి, శోభన్‌బాబు, హౌరాబ్రిడ్జ్‌ సినిమాలలో నటుడిగా బిజీగా ఉన్నారు. హౌరాబ్రిడ్జ్‌ సినిమా అన్ని కార్యక్రమాలు పూర్తి చేసుకుని విడుదలకు సిద్ధంగా ఉంది. ఈ సినిమాకు రేవన్‌ యాదు(బూచమ్మ బూచోడు ఫేం) దర్శకత్వం వహిస్తున్నారు. జనవరిలోనే ఈ సినిమాను విడుదల చేసేందుకు రంగం సిద్దమైనట్లు సమాచారం.త్వరలోనే  చిత్రయూనిట్‌  సినిమా విడుదల తేదిని అధికారికంగా ప్రకటించనుంది.సుశాంత్‌ హీరోగా  రాహుల్‌ తొలిసారిగా దర్శకత్వం వహిస్తున్న ‘చి ల సౌ’ ప్రస్తుతం నిర్మాణ దశలో ఉన్న సంగతి తెలిసిందే.

...ఈ డైలాగుతో ప్రారంభమయ్యే ‘దృష్టి’ టీజర్‌ సినిమాపై  ఆసక్తి పెంచుతోంది! ‘ఎందుకురా... మర్డర్‌ చేశావ్‌!’, ‘ఏ మాట్లాడుతున్నారు సార్‌... ప్రూఫ్‌ లేకుండా మాట్లాడటం కరెక్ట్‌ కాదు’... వంటి డైలాగుల్ని బట్టి చూస్తే సినిమా హత్య నేపథ్యంలో ఉంటుందని తెలుస్తోంది. రాహుల్‌ రవీంద్రన్, పావనీ గంగిరెడ్డి జంటగా, ‘వెన్నెల’ కిశోర్‌ ప్రధాన పాత్రలో రూపొందిన చిత్రం ‘దృష్టి’. శ్రీనివాస్‌ మోతుకూరి సమర్పణలో రామ్‌ అబ్బరాజు దర్శకత్వంలో మోహన్‌ నిర్మిసున్నారు. దీపావళి సందర్భంగా ఈ సినిమా టీజర్‌ను గాయని, రాహుల్‌ సతీమణి చిన్మయి విడుదల చేశారు. రామ్‌ అబ్బరాజు మాట్లాడుతూ– ‘‘ఇలాంటి కథలు ఒప్పుకోవడానికి హీరోలకు ధైర్యం ఉండాలి. ఆ విషయంలో రాహుల్‌కు థ్యాంక్స్‌ చెప్పాలి’’ అన్నారు. ‘‘నేనెప్పటి నుంచో కొత్తగా సినిమా చేయాలనుకుంటున్న టైమ్‌లో రామ్‌ నాకు ‘దృష్టి’ కథ చెప్పాడు. నచ్చడంతో ఓకే చెప్పేశా’’ అన్నారు రాహుల్‌ రవీంద్రన్‌. ‘‘పోస్ట్‌ ప్రొడక్షన్‌ పనులు జరుగుతున్నాయి. త్వరలోనే ప్రీ–రిలీజ్‌ ఫంక్షన్‌ జరిపి, సినిమా రిలీజ్‌కు సన్నాహాలు చేస్తున్నాం’’ అన్నారు మోహన్‌.