నాన్‌ఈ చిత్రం ఒక సంచలనం. గ్రాఫిక్స్‌కు పరాకాష్ట అని కూడా చెప్పవచ్చు. అన్నిటికీ మించి దర్శకుడు రాజమౌళి అద్భుత సెల్యులాయిడ్ సృష్టి. తెలుగు, తమిళ భాషలలో తెరకెక్కిన ఈ చిత్రం తెలుగులో ఈగ పేరుతో తెరపైకి వచ్చింది. ఈ రెండు భాషల్లోనూ విజయఢంకా మోగించిన చిత్రం నాన్‌ఈ. అంతే కాదు హిందీ భాషలోకి మఖా పేరుతో అనువాదమై అక్కడి ప్రేక్షకులను వావ్ అనిపించింది. నాని, సమంత జంటగా నటించిన ఈ చిత్రం ద్వారా కన్నడ సూపర్‌స్టార్ సుదీప్ ప్రతినాయకుడిగా వీర విహారం చేసిన చిత్రం ఇది. కాగా సీక్వెల్స్ నడుస్తున్న కాలం ఇది. విజయవంతమైన పలు చిత్రాలకు రెండు, మూడు భాగాలు తెరకెక్కుతున్నాయి. అలాంటిది వెండితెరపై వండర్స్ క్రియేట్స్ చేసిన నాన్‌ఈ చిత్రానికి కొనసాగింపును ప్రేక్షకులు ఆశించడం సబబే. అందుకు కారణం లేకపోలేదు.
  
  చిత్ర దర్శకుడు రాజమౌళికి ఈ చిత్రానికి సీక్వెల్ తీసే ఆలోచన ముందు ఉన్నట్లుంది. చిత్రం చివరిలో ఐ విల్ బ్యాక్ అని ముగింపు ఇచ్చారు. కాగా నాన్‌ఈ చిత్ర సీక్వెల్‌కు సన్నాహాలు జరుగుతున్నాయనే ప్రచారం తాజాగా మీడియాలో హల్‌చల్ చేస్తోంది. ప్రస్తుతం దర్శకుడు రాజమౌళి బాహుబలి-2ని చెక్కుతున్నారు. ఈ చిత్రాన్ని వచ్చే ఏడాది ఏప్రిల్ 28వ తేదీన ప్రపంచవ్యాప్తంగా విడుదల చేయనున్నట్లు చిత్ర వర్గాలు వెల్లడించిన విషయం తెలిసిందే.
  
  తదుపరి రాజమౌళి నాన్‌ఈ సీక్వెల్‌ను హ్యాండిల్ చేయనున్నట్లు ప్రచారం జరుగుతోంది. మొదటి భాగంలో నటించిన నానినే రెండో భాగంలోనూ హీరోగా నటించనున్నట్లు, ఇక విలన్ పాత్ర సుదీప్ కిచ్చా రెడీ అన్నట్లు పరిశ్రమ వర్గాల టాక్. మరి ప్రియుడు నాగచైతన్యతో మూడుముళ్ల బంధానికి సిద్ధం అవుతున్న చెన్నై చంద్రం సమంత ఈ సీక్వెల్‌లో ఉంటారా? అన్నది వేచి చూడాల్సిందే.
  


 తెలుగులో ఈగ గానూ, తమిళంలో నాన్‌ఈ గానూ విశేష ప్రజాధరణ పొందిన ద్విభాషా చిత్ర కొనసాగింపునకు రంగం సిద్ధం అవ్వనుందా? అన్న ప్రశ్నకు అవుననే సమాధానమే వస్తోంది. కథ,కథనం,ఆధునిక సాంకేతిక పరిజ్ఞానాన్ని నమ్మి చిత్రాలను వెండితెరపై అందంగా,అబ్బురపరచే విధంగా ఆవిష్కరించే దర్శక తాంత్రికుడు రాజమౌళి.ఈయన చిత్రాలు తదుపరి తరానికి ఒక లెసన్ అవుతాయన్నది ఏ మాత్రం అతిశయోక్తి కాదేమో.చిన్న తారలతో అయినా,పెద్ద నక్షత్రాలతో అయిన తనదైన దర్శకత్వ నైపుణ్యంతో ప్రేక్షకుల్ని మెస్మరైజ్ చేయగల దిట్ట రాజమౌళి. ఈగ చిత్రంతో దక్షిణాది సినీ ప్రేక్షకుల చేత విజిల్స్ వేయించిన ఈ దర్శక సవ్యసాచి రీసెంట్‌గా బాహుబలి చిత్రంతో భళా అనిపించుకున్నారు.
  
  ప్రస్తుతం బాహుబలి-2ను చెక్క పనిలో నిమగ్మమైన జక్కన్న తదుపరి ఈగ వేటను కొనసాగించనున్నారట. ఈగ చిత్రం హీరో నాని ఈ విషయాన్ని వెల్లడించినట్లు పరిశ్రమ వర్గాల సమాచారం. నాని నటించిన భలేభలే మగాడివోయ్ చిత్రం ఇటీవల విడుదలైంది. ఈ చిత్రంలో నాని నటనను ప్రశంసించిన దర్శకుడు రాజమౌళి ఈగ చిత్ర కొనసాగింపు ఈ ఆలోచన గురించి చెప్పినట్లు నాని వెల్లడించినట్లు తెలిసింది. ఈ సీక్వెల్‌లోనూ అందాల భామ సమంత  నటించే అవకాశం ఉన్నట్టు కోలీవుడ్ సమాచారం.