ప్రముఖ సినీ హీరో వెంకటేశ్ శుక్రవారం వైఎస్సార్ జిల్లా  కడప నగరంలోని సుప్రసిద్ధ పెద్దదర్గాను దర్శించుకున్నారు. స్థానిక నాయకుడు అమీర్‌బాబుతో కలిసి శుక్రవారం ఆయన దర్గాలోని గురువుల మజార్ల వద్ద పూలచాదర్ సమర్పించారు. ఈ సందర్భంగా వెంకటేశ్ విలేకరులతో మాట్లాడుతూ ఎన్నాళ్ల నుంచో దర్గాను దర్శించుకోవాలనుకున్నానని, ఆ కోరిక నేటికి తీరడం సంతోషదాయకమన్నారు. వెంకటేశ్‌ను చూసేందుకు మహిళలు, విద్యార్థులు, యువకులు పెద్ద సంఖ్యలో వచ్చారు.     -కడప కల్చరల్