6జీబీ ర్యామ్‌తో వచ్చిన శాంసంగ్‌ తొలి స్మార్ట్‌ఫోన్‌ గెలాక్సీ సీ9 ప్రొ ధర మరోసారి తగ్గింది. 2వేల రూపాయల మేర ధర ఈ స్మార్ట్‌ఫోన్‌ ధరను కంపెనీ తగ్గించింది. శాంసంగ్ ఈ-స్టోర్‌, ఇతర ఈ-కామర్స్‌ వెబ్‌సైట్లలో ఈ స్మార్ట్‌ఫోన్‌ రూ.29,900కు అందుబాటులో ఉంచుతున్నట్టు కంపెనీ చెప్పింది. తొలుత ఈ స్మార్ట్‌ఫోన్‌ను రూ.36,900 కు కంపెనీ లాంచ్‌ చేసింది. అనంతరం రూ.31,900కు దీని ధరను తగ్గించింది. ప్రస్తుతం మరోసారి గెలాక్సీ సీ9 ప్రొ ధరను తగ్గించినట్టు ప్రకటించింది.  గెలాక్సీ సీ9 ప్రొ ఫీచర్లు... 6 అంగుళాల ఫుల్‌ హెచ్‌డీ అమోలెడ్‌ డిస్‌ప్లే ఆక్టా-కోర్‌ క్వాల్‌కామ్‌ స్నాప్‌డ్రాగన్‌ 653 ఎస్‌ఓసీ 16 మెగాపిక్సెల్‌తో ఫ్రంట్‌, రియర్‌ కెమెరా 64జీబీ ఇన్‌బిల్ట్‌ స్టోరేజ్‌ 256జీబీ వరకు విస్తరణ మెమరీ 4000 ఎంఏహెచ్‌ బ్యాటరీ ఫింగర్‌ప్రింట్‌ స్కానర్‌


 భువనేశ్వర్‌: ప్రముఖ మొబైల్‌ హ్యాండ్‌సెట్స్‌ తయారీ కంపెనీ ‘శాంసంగ్‌ ఇండియా’ తాజాగా కొత్త స్మార్ట్‌ఫోన్‌ ‘గెలాక్సీ సీ9 ప్రొ’ను దేశీ మార్కెట్‌లో ఆవిష్కరించింది. నలుపు, బంగారం రంగుల్లో లభ్యంకానున్న ఈ ఫోన్ల ధర రూ.36,900గా ఉంది. ‘గెలాక్సీ సీ9 ప్రొ’ ఫోన్లను ఈ నెల 27 నుంచి ముందస్తు బుకింగ్‌ చేసుకోవచ్చు. ఇక ఇవి ఫిబ్రవరి నెల నుంచి రిటైల్‌ షాపుల్లో అందుబాటులోకి వస్తాయి. ‘గెలాక్సీ సీ9 ప్రొ’లో 6 అంగుళాల ఫుల్‌ హెచ్‌డీ డిస్‌ప్లే, 6 జీబీ ర్యామ్, 16 ఎంపీ ఫ్రంట్‌/రియర్‌ కెమెరా, 64 జీబీ ఇంటర్నల్‌ మెమరీ, ఆక్టాకోర్‌ ప్రాసెసర్, 4,000 ఎంఏహెచ్‌ బ్యాటరీ, 4జీ, ఫింగర్‌ప్రింట్‌ స్కానర్‌ వంటి పలు ప్రత్యేకతలున్నట్లు కంపెనీ వివరించింది.