వాషింగ్టన్‌ : వలసదారులను అడ్డుకునేందుకు అమెరికా- మెక్సికో సరిహద్దు వెంబడి గోడ నిర్మాణానికి నిధుల విషయమై ప్రతిపక్ష డెమోక్రాట్లతో విభేదాల కారణంగా ప్రారంభమైన అమెరికా షట్‌డౌన్‌ 27వ రోజుకు చేరుకుంది. అమెరికా చరిత్రలో అత్యధిక రోజుల పాటు కొనసాగుతున్న షట్‌డౌన్‌ ఇదే. ఈ క్రమంలో సుమారు 8 లక్షల మంది ఉద్యోగులకు జీతాలు అందడం లేదు. ముఖ్యంగా 6 వేల మంది సీక్రెట్‌ సర్వీసు ఉద్యోగుల పరిస్థితి దారుణంగా తయారయ్యింది. ఈ నేపథ్యంలో పే చెక్కులు లేకుండా నిరంతరం శ్రమిస్తున్న తన సిబ్బంది పట్ల అమెరికా మాజీ అధ్యక్షుడు జార్జ్‌ డబ్ల్యూ బుష్‌ కృతఙ్ఞత చాటుకున్నారు. శుక్రవారం వారి కోసం పిజ్జాలు స్వయంగా డెలివరీ చేసి ట్రంప్‌ ప్రభుత్వానికి, ప్రతిపక్ష డెమోక్రాట్ల తీరును పరోక్షంగా విమర్శించారు. మీ అందరికీ ధన్యవాదాలు ‘వేతనం లేకుండా దేశం కోసం పనిచేస్తున్న సీక్రెట్‌ సర్వీస్‌ సిబ్బంది(నాయకులకు భద్రతా సిబ్బంది)కి,  ఫెడరల్‌ ఉద్యోగులకు నేను, లారా బుష్‌ ధన్యవాదాలు తెలుపుతున్నాం. వారికి మద్దతుగా నిలుస్తున్న పౌరులకు కూడా. రాజకీయాలను పక్కనబెట్టి ప్రభుత్వం, ప్రతిపక్ష నేతలు షట్‌డౌన్‌కు ముగింపు పలకాల్సిన సమయం వచ్చింది’ అంటూ సొంత పార్టీకి చెందిన రిపబ్లికన్లు, ప్రతిపక్ష డెమోక్రాట్ల తీరును సోషల్‌ మీడియా వేదికగా విమర్శించారు. కాగా బుష్‌ పాలనా కాలంలో(2001- 2009) అమెరికాలో ఒక్కసారి షట్‌డౌన్‌ కాకపోవడం విశేషం. ఇక1995-96లో బిల్‌ క్లింటన్‌ హయాంలో 21 రోజుల పాటు కొనసాగిన షట్‌డౌన్‌ రికార్డును ట్రంప్‌ ప్రభుత్వం అధిగమించింది. View this post on Instagram @LauraWBush and I are grateful to our Secret Service personnel and the thousands of Federal employees who are working hard for our country without a paycheck. And we thank our fellow citizens who are supporting them. It’s time for leaders on both sides to put politics aside, come together, and end this shutdown. A post shared by George W. Bush (@georgewbush) on Jan 18, 2019 at 12:58pm PST


 వాషింగ్టన్: మాటలను కోటలుగా చూపుతూ ప్రజాదరణను మూటగట్టుకున్న అమెరికా ప్రస్తుత అధ్యక్షుడు బరాక్ ఒబామా క్రేజ్ తగ్గిపోతుందా? తాజా పరిణామాలను చూస్తే అవుననక తప్పదు. ఒబామాకున్న ప్రజాదరణ ఎన్నడూ లేనంతగా మసకబారుతున్నట్లు తాజా సర్వేలో స్పష్టమైంది. అమెరికన్ ప్రజల్లో ఒబామా పట్ల తీవ్రమైన వ్యతిరేకత వ్యక్తమవుతున్నట్లు ఆ సర్వే పేర్కొంది. తన కంటే ముందు అమెరికా అధ్యక్షునిగా పనిచేసిన జార్జ్ డబ్ల్యూ బుష్ అప్రతిష్టను ప్రస్తుతం ఒబామా మూటగట్టుకున్నారు. 51 శాతం మంది అమెరికన్లు ఒబామాను తీవ్రంగా వ్యతిరేకిస్తున్నట్టు సీఎన్‌ఎన్-వోఆర్‌సీ నిర్వహించిన అంతర్జాతీయ ఒపీనియన్ పోల్ సర్వేలో వెల్లడైంది. 
  
 అప్పటి బుష్ పట్ల 51 శాతం మంది అమెరికన్లు వ్యతిరేకత కనబరచగా.. ఇప్పుడు ఒబామాపై వ్యతిరేకత చూపే వారి సంఖ్య కూడా అంతే ఉన్నట్లు అని సీఎన్‌ఎన్ పోలింగ్ డైరెక్టర్ కీటింగ్ హోలాండ్ చెప్పారు. ప్రస్తుతం ఒబామాకు అనుకూల రేటింగ్ 47 శాతంగా ఉంది. కాగా, ఒబామా, బుష్ కంటే బిల్ క్లింటన్ ప్రజాదరణలో ఇప్పటికీ ముందున్నారు. బిల్ క్లింటన్‌కు 68 శాతం అనుకూల రేటింగ్ దక్కింది. ఈ సర్వేలో ఒబామాకు రేటింగ్ తగ్గడం  ఇదే తొలిసారి.