విజయనగరం (మక్కువ) : విజయనగరం జిల్లాలో వెంగళరాయ సాగర్ ప్రాజెక్టు పరిధిలోని గోముఖి లింక్ ఛానల్ నిర్మాణ పనుల్లో నాణ్యత లేదని ఆయకుట్టు ప్రాంత రైతులు ఆరోపిస్తున్నారు. హుద్ హుద్ తుఫాన్ పునరావాస నిధులతో చేపట్టిన ఈ నిర్మాణ పనుల్లో సరైన నాణ్యత పాటించకపోవడంతో కాలువ సపోర్టింగ్ వాల్ ఇటీవల కోతకు గురైంది.
 
 దీంతో నీరు లీక్ అయి వృథాగా పోతుందని రైతులు ఆవేదన వ్యక్తం చేస్తున్నారు. పంటలు ఎండిపోయే అవకాశం ఉన్నందున ఉన్నతాధికారులు ఈ విషయంపై దృష్టి సారించాలని రైతులు కోరుతున్నారు.