పట్నా: బిహార్లో రైలు ప్రమాదం చోటుచేసుకుంది. గువాహటి-బికనీర్ ఎక్స్ ప్రెస్ రైలు ఓ ట్రాక్టర్ ను ఢీకొట్టింది. బిహార్ లోని చౌసా వద్ద ఈ ప్రమాదం చోటుచేసుకున్నట్లు అధికారులు తెలిపారు. ఈ ప్రమాదంతో ట్రాక్టర్ ధ్వంసం కాగా, రెండు బోగీలు పట్టాలు తప్పాయి. ప్రస్తుతానికి ఒకరికి గాయాలయినట్లు అధికారులు చెప్పారు. అయితే, దీనికి సంబంధించిన పూర్తి వివరాలు ఇంకా తెలియాల్సి ఉంది.