బెంగళూరు: భారతరత్న, ప్రముఖ శాస్త్రవేత్త ప్రొఫెసర్ సీఎన్‌ఆర్ రావుకు మరో అరుదైన గౌరవం. ప్రతిష్టాత్మకమైన చైనీస్ అకాడమీ ఆఫ్ సైన్స్(సీఏఎస్)లో ఆయనకు గౌరవ విదేశీ సభ్యుడి హోదా దక్కింది. ఒక భారతీయ శాస్త్రవేత్తకు సీఏఎస్‌లో చోటు దక్కడం ఇదే తొలిసారి. సీఏఎస్‌లో నోబెల్ బహుమతి అందుకున్న పలువురు శాస్త్రవేత్తలతోపాటు ప్రపంచ  ప్రసిద్ధిగాంచిన సైంటిస్టులు సభ్యులుగా ఉన్నారు. ఈనెల 4న సర్వసభ్య సమావేశంలో సీఏఎస్ ఈ మేరకు నిర్ణయం తీసుకుందని బెంగళూరులోని జవహర్‌లాల్ నెహ్రూ అడ్వాన్స్డ్ సైంటిఫిక్ రీసెర్చ్ సెంటర్ ఒక ప్రకటనలో తెలిపింది.