బీజింగ్: చైనా ఈశాన్య ప్రాంతంలో హులుడో నగరంలోని నివాస భవనంలో శుక్రవారం తెల్లవారుజామున పేలుడు సంభవించింది. ఈ ప్రమాదంలో 10 మంది గాయపడ్డారని ఉన్నతాధికారులు వెల్లడించారు. స్థానికుల సహాయంతో పోలీసులు క్షతగాత్రులను నగరంలోని వివిధ  ఆసుపత్రులకు తరలించి... చికిత్స అందిస్తున్నట్లు తెలిపారు. సహాయక చర్యలు కొనసాగుతున్నాయని చెప్పారు. ఈ ప్రమాదానికి వంట గ్యాస్ లీక్ కారణమని భావిస్తున్నట్లు పోలీసులు చెప్పారు. గతనెల 31వ తేదీన ఇదే నగరంలో ఇదే తరహా పేలుడు సంభవించి ఇద్దరు మరణించగా... 11 మంది గాయపడిన సంగతి తెలిసిందే.