న్యూఢిల్లీ: భారత రాష్ట్రపతి రామ్‌నాథ్‌ కోవింద్ శుక్రవారం రైలు ప్రయాణం చేశారు. తన సతీమణి సవితాదేవితో కలిసి తమ స్వస్థలం కాన్పూర్‌కు రైలులో బయలు దేరారు. దిల్లీలోని సఫ్దర్‌జంగ్‌ రైల్వేస్టేషన్‌లో ప్రత్యేక రైలు ఎక్కిన రాష్టపతి దంపతులకు కేంద్ర రైల్వేశాఖ మంత్రి పీయూష్‌ గోయల్‌, రైల్వేబోర్డు చైర్మన్‌, సీఈఓ సునీల్‌ శర్మ వీడ్కోలు పలికారు. రాష్ట్రపతి గా బాధ్యతలు స్వీకరించిన తర్వాత తొలిసారిగా స్వగ్రామానికి వెళ్తున్నట్లు రాష్ట్రపతి భవన్‌ ఓ ప్రకటనలో తెలిపింది. 15 సంవత్సారాల తర్వాత భారత రాష్టపతి రైలు లో ప్రయాణం చేయడం ఇదే తొలిసారి. అంతకుముందు 2006లో అప్పటి భారత రాష్టపతి అబ్దుల్‌ కలాం ఢిల్లీ నుంచి డెహ్రాడూన్‌కు రైలులో ప్రయాణించారు. కాన్పూర్ దేహాట్ మార్గంలోని జిన్జాక్, రురా వద్ద ఈ ప్రత్యేక రైలు కొద్దిసేపు ఆగనుంది. రాష్టపతి రామ్‌నాథ్‌ కోవింద్‌ తన పాత పరిచయస్థులను,తన పాఠశాల స్నేహితులను కలిసి మాట్లాడనున్నారు. ఆ తరువాత తన స్వగ్రామానికి  చేరుకుంటారు. స్వగ్రామాన్ని సంద‌ర్శించిన అనంతరం జూన్ 28వ తేదీన కాన్పూర్ సెంట్రల్ రైల్వేస్టేషనులో రైలు ఎక్కి లక్నోకు చేరుకుంటారు. లక్నో పర్యటన అనంతరం జూన్ 29వ తేదీన రామ్‌నాథ్ ప్రత్యేక విమానంలో లక్నో నుంచి ఢిల్లీకి తిరిగి రానున్నారు. చదవండి: ఏపీ ప్రభుత్వ నిర్ణయాన్ని ప్రశంసించిన సుప్రీంకోర్టు

భారత రాష్ట్రపతి రామ్‌నాథ్‌ కోవింద్‌ రాక కోసం బొల్లారంలోని దక్షిణాది విడిది ముస్తాబవుతోంది. ఈ నెల 20న బొల్లారంలోని రాష్ట్రపతి ఇక్కడికివిచ్చేయనున్నారు. ఈ సందర్భంగా పూర్తిస్థాయి కార్యకలాపాలు సైతంఇక్కడి నుంచే కొనసాగనున్నాయి. బొల్లారంలోని ఆర్మీ హెడ్‌ క్వార్టర్స్‌ను ఆనుకుని ఉండే రాష్ట్రపతి నిలయం పరిసర ప్రాంతాల్లో ఇప్పటికే భద్రతనుకట్టుదిట్టం చేశారు. పీడబ్ల్యూడీ డిపార్ట్‌మెంట్‌తో పాటు కంటోన్మెంట్‌బోర్డు ఆధ్వర్యంలోని రెండు శానిటరీ ప్రత్యేక బృందాలు రాష్ట్రపతినిలయంలో ఏర్పాట్లు ముమ్మరం చేశాయి. కంటోన్మెంట్‌: భారత రాష్ట్రపతి అధికారిక నివాసమైన ఢిల్లీలోని రాష్ట్రపతి భవన్‌తో పాటు మరో రెండు అధికారిక నివాసాల్లో ఒకటి సీమ్లాలోని ‘ది రిట్రీట్‌ బిల్డింగ్‌’ కాగా సికింద్రాబాద్‌ కంటోన్మెంట్‌లోని ‘రాష్ట్రపతి నిలయం’ మూడోదిæ. ఈ భవనం నిజాం నజీర్‌ ఉద్‌– దౌలా హయాంలో 1860లో నిర్మితమైంది. బొల్లారంలోని 97 ఎకరాల సువిశాల స్థలంలో 2,500 చదరపు మీటర్ల విస్తీర్ణంలో ప్రధాన భవనం ఉంది. కంటోన్మెంట్‌ పరిధిలోని చీఫ్‌ మిలిటరీ ఆఫీసర్‌ నివాస స్థలంగా వినియోగించే ఈ భవనాన్ని రెసిడెన్సీ హౌస్‌గా వ్యవహరించేవారు. 1948లో హైదరాబాద్‌ సంస్థానం విలీనం అనంతరం రాష్ట్రపతి దక్షిణాది తాత్కాలిక నివాసంగా మారింది. నాటి నుంచి భారత రాష్ట్రపతి కనీసం ఏడాదికోసారి కొన్నిరోజుల పాటు ఇక్కడే విడిది చేస్తారు. ఇక్కడి నుంచే అధికారిక కార్యకలాపాలు నిర్వహిస్తూ ఉంటారు. రాష్ట్రపతి భవన్‌ నిర్వహణ బాధ్యతల్ని సెంట్రల్‌ పబ్లిక్‌ వర్క్స్‌ డిపార్ట్‌మెంట్‌తో పాటు సికింద్రాబాద్‌ కంటోన్మెంట్‌ బోర్డు నిర్వర్తిస్తున్నాయి.  20 గదులు, సొరంగమార్గం.. రాష్ట్రపతి నిలయంలోని ప్రధాన భవనం ప్రెసిడెంట్స్‌ వింగ్, ఫ్యామిలీ వింగ్‌తో పాటు ఏడీసీ వింగ్‌ పేరిట మూడు విభాగాలుగా ఉంటుంది. ఇందులో డైనింగ్‌ హాల్, దర్బార్‌ హాల్, మార్నింగ్‌ రూమ్, సినిమా హాల్‌ సహా మొత్తం 11 గదులుంటాయి. ప్రధాన భవనానికి కొంత దూరంలో ఉండే కిచెన్‌ ద్వారా ఆహారాన్ని డైనింగ్‌ హాల్‌కు తీసుకొచ్చేందుకు ప్రత్యేక సొరంగ మార్గం ఉంది. రాష్ట్రపతి ప్రధాన నివాస భవనంతో పాటు మరో 150 మంది వరకు సిబ్బంది ఉండేందుకు ప్రత్యేక వసతి సముదాయం ఉంది.  పూలు, పండ్లతోటలు.. వివిధ రకాల పూల మొక్కలతో పాటు సపోటా, మామిడి, దానిమ్మ, జామ, కొబ్బరి, ఉసిరి వంటి తోటలున్నాయి. దీంతో పాటు 116 రకాల సుగంధ, ఔషధ మొక్కలతో కూడిన ప్రత్యేక హెర్బల్‌ గార్డెన్‌ ఈ ఆవరణలో ఉంది. రెండు మంచినీటి బావులు కూడా ఉన్న రాష్ట్రపతి భవన్‌ ఆవరణ ఓ చిన్నపాటి అరణ్యాన్ని తలపిస్తుంది. ప్రతిభా పాటిల్‌ రాష్ట్రపతిగా ఉన్న సమయంలో ఈ నిలయంలోని ఖాళీ ప్రదేశంలో వివిధ రకాల ఔషధ మొక్కలతో పాటు పచ్చదనం పరుచుకునేలా పూలు, పండ్ల తోటలను విస్తరించారు. 2015లో రాష్ట్రపతి నిలయంలో అప్పటి రాష్ట్రపతి నక్షత్ర వాటికను ప్రారంభించారు. 27 నక్షత్రాలకు (రాశులు) సూచికలుగా 27 విభిన్న రకాల మొక్కలను ఏర్పాటు చేశారు. రాష్ట్రపతి సందర్శన ముగిశాక సాధారణ ప్రజల సందర్శనకు కొన్ని రోజుల పాటు అనుమతిస్తారు.  పక్షుల కిలకిలారావాలు..   పచ్చని చెట్లు పూమొక్కలు, పండ్ల తోటలతో చిట్టడివిని తలపించే రాష్ట్రపతి నిలయంలో పక్షుల కిలకిలారావాలు, మయూరాల సందడి చేస్తాయి. ఇక్కడ కోతులు, పాముల బెడద కూడా ఉంది. ప్రతి ఉదయం, సాయంత్రం వేళల్లో రాష్ట్రపతి వాకింగ్‌ వెళ్లే అవకాశం ఉన్న నేపథ్యంలో కోతులు పాములు కట్టడికి ప్రత్యేక చర్యలు చేపడుతూ ఉంటారు. గతేడాది రాష్ట్రపతి నిలయంలో నాలుగు పాములను పట్టుకోవడం గమనార్హం. 


 - ప్రభుత్వ సంకల్పం ఒక్కటే సరిపోదు.. ప్రజల భాగస్వామ్యమూ కావాలి
 - తొలి స్వాతంత్ర్యదినోత్సవ సందేశంలో రామ్‌నాథ్‌ కోవింద్‌
 
 న్యూఢిల్లీ: నవభారత నిర్మాణానికి ప్రభుత్వాల సంకల్పం ఒక్కటే సరిపోదని, దానికి ప్రజల మద్దతు కూడా ఎంతో అవసరమని రాష్ట్రపతి రామ్‌నాథ్‌ కోవింద్‌ అన్నారు. ప్రజలే అసలైన నవభారత నిర్మాతలని ఉద్ఘాటించారు.
 
 స్వాతంత్ర్యదినోత్సవాన్ని పురస్కరించుకుని ఆయన సోమవారం రాత్రి జాతిని ఉద్దేశించి ప్రసంగించారు. స్వాతంత్ర్య పోరాటంలో అమరులైన వీరుల త్యాగాలు వెలకట్టలేనివని, వారి త్యాగనిరతి చిరస్మరణీయమని కోవింద్‌ గుర్తుచేశారు.
 
 పేదరికానికి తావు లేదు
 కేంద్ర ప్రభుత్వం చేపట్టిన స్వచ్ఛభారత్‌, నోట్లరద్దు ప్రక్రియ, జీఎస్టీ వంటి ప్రతిష్టాత్మక కార్యక్రమాలకు ప్రజలు సుహృదయంతో అంగీకారం తెలిపారని రాష్ట్రపతి కోవింద్‌ అన్నారు. సకాలంలో పన్నుల చెల్లించడాన్ని ప్రతిఒక్కరూ బాధ్యతగా తీసుకోవాలని, తద్వారానే నవభారత నిర్మాణం జరుగుతుందని, ఆ మేరకు అందరమూ ప్రతిజ్ఞచేయాల్సిన అవసరం ఉందని కోవింద్‌ అన్నారు. నవభారతంలో పేదరికానికి తావు ఉండదని చెప్పారు. మహిళలు, దివ్యాంగులపట్ల ప్రత్యేక శ్రద్ధ చూపాలని కోరారు.