వాలెన్సియా: ఆరు దేశాల ఇన్విటేషనల్ హాకీ టోర్నీలో భారత జట్టు తొలి విజయాన్ని నమోదు చేసుకుంది. మంగళవారం జరిగిన తమ రెండో మ్యాచ్‌లో ఐర్లాండ్‌పై 2-1తో నెగ్గింది. తొలి క్వార్టర్‌లో నెమ్మదైన ఆటను చూపిన భారత్‌కు ఐర్లాండ్ జట్టు నాలుగో నిమిషంలోనే షాక్ ఇచ్చింది. కైల్ గుడ్స్ ఆ జట్టు తరఫున గోల్ చేసి ఆధిక్యం అందించాడు. అనంతరం పుంజుకున్న భారత్.. తల్వీందర్ సింగ్ 22వ నిమిషంలో చేసిన గోల్‌తో స్కోరు సమమైంది. మూడో క్వార్టర్‌లో కెప్టెన్ సర్దార్ సింగ్ (32) గోల్‌తో జట్టు ఆధిక్యంలోకి వెళ్లింది. ఆ తర్వాత రెండు పెనాల్టీ కార్నర్‌లు వచ్చినా వృధా అయ్యాయి.