న్యూఢిల్లీ: దిగ్గజ వాహన తయారీ కంపెనీ ‘సుజుకీ’ తాజాగా 2017 స్విఫ్ట్‌ను జపాన్‌ మార్కెట్‌లో ఆవిష్కరించింది. అక్కడ దీని ధర భారతీయ కరెన్సీ ప్రకారం రూ.7.78 లక్షలు– రూ.10.69 లక్షల శ్రేణిలో ఉంది. వీటి విక్రయాలు అక్కడ జనవరి 4 నుంచి ప్రారంభమవుతాయి. ఈ సరికొత్త స్విఫ్ట్‌ వచ్చే ఏడాది రెండో అర్ధభాగంలో సుజుకీ కార్పొరేషన్‌ సబ్సిడరీ అయిన మారుతీ సుజుకీ ద్వారా భారత్‌లోకి ఎంట్రీ ఇచ్చే అవకాశముంది.
 
 కంపెనీ తాజా స్విప్ట్‌లో అటు ఇంటీరియర్స్‌లోనూ, ఇటు ఎక్స్‌టీరియర్స్‌లోనూ పలు మార్పులు చేసింది. కారులో ఎల్‌ఈడీ ల్యాంప్స్‌తో కూడిన ఫ్రంట్‌/రియర్‌ లైట్స్,  హెక్జాగొనల్‌ గ్రిల్, స్పోర్టీ డి–టైప్‌ స్టీరింగ్‌ వీల్, యాపిల్‌ కార్‌ప్లే, ఆండ్రాయిడ్‌ ఆటో, డ్యూయెల్‌ సెన్సార్‌ బ్రేక్‌ సపోర్ట్, అడాప్టివ్‌ క్రూయిజ్‌ కంట్రోల్‌ సిస్టమ్‌ వంటి తదితర ప్రత్యేకతలు ఉన్నాయని కంపెనీ పేర్కొంది. తాజా స్విఫ్ట్‌.. 1.2 లీటర్‌ 4 సిలిండర్‌ డ్యూయెల్‌ జెట్, 1.0 లీటర్‌ 3 సిలిండర్‌ బూస్టర్‌ జెట్‌ అనే రెండు ఇంజిన్‌ ఆప్షన్లలో అందుబాటులో ఉంటుందని వివరించింది. వీటిల్లో 6 స్పీడ్‌ ఏటీ, 5 స్పీడ్‌ ఎంటీ అనే ట్రాన్స్‌మిషన్‌ ఆప్షన్లు ఉన్నాయని పేర్కొంది.


 ♦ 170 పాయింట్ల క్షీణతతో 25,437 పాయింట్ల వద్ద ముగింపు
 ♦ జపాన్ మార్కెట్ పతన ప్రభావం
 ♦ క్యూ4 ఫలితాల పట్ల నిరుత్సాహం
 ముంబై: జపాన్ మార్కెట్ భారీగా తగ్గడంతో పాటు దేశీయ కార్పొరేట్ల ఫలితాలు నిరుత్సాహపర్చడంతో బీఎస్‌ఈ సెన్సెక్స్ మూడు వారాల కనిష్టస్థాయికి పతనమయ్యింది. అలాగే దేశంలో తయారీ రంగ కార్యకలాపాలు తగ్గాయన్న వార్తలు కూడా సెంటిమెంట్‌ను దెబ్బతీసాయి. బ్యాంక్ ఆఫ్ జపాన్ తాజా ఉద్దీపన ప్యాకేజీని ప్రకటించకపోవడంతో ఆ దేశపు మార్కెట్లో పతనం కొనసాగుతోంది. ఈ కేంద్ర బ్యాంక్ నిర్ణయం కారణంగా జపాన్ కరెన్సీ యెన్ పెరిగిపోయింది. దాంతో ఆ దేశంలో ఎగుమతి కంపెనీలు దెబ్బతినే అవకాశం వుండటంతో జపాన్ నికాయ్ సూచి సోమవారం మరో 3.11% పడిపోయింది. ఈ ప్రభావం భారత్ మార్కెట్‌పై పడిందని విశ్లేషకులు చెప్పారు.  చైనాతో సహా పలు ప్రధాన ఆసియా మార్కెట్లకు సెలవు. ఏప్రిల్ నెలలో దేశంలో తయారీ రంగ కార్యకలాపాలు నెమ్మదించాయంటూ వెలువడిన పీఎంఐ గణాంకాలు మార్కెట్‌ను కోలుకోనీకుండా చేశాయని జియోజిత్ బీఎన్‌పీ పారిబాస్ చీఫ్ మార్కెట్ స్ట్రాటజిస్ట్ ఆనంద్ జేమ్స్ చెప్పారు.
  టాప్ లూజర్ ఐసీఐసీఐ బ్యాంక్
 క్యూ4లో నికరలాభం భారీగా తగ్గిన కారణంతో వరుసగా రెండో ట్రేడింగ్ రోజు కూడా ఐసీఐసీఐ బ్యాంక్ షేరు అమ్మకాల ఒత్తిడికి లోనయ్యింది. సెన్సెక్స్-30లో అన్నింటికంటే ఈ షేరు అధికంగా 4 శాతం క్షీణించి రూ. 227 వద్ద ముగిసింది. ఈ ప్రభావం మిగిలిన బ్యాంక్ షేర్లపై కూడా పడటంతో హెచ్‌డీఎఫ్‌సీ బ్యాంక్, ఎస్‌బీఐలు 1.35 శాతం చొప్పున తగ్గాయి. డాక్టర్ రెడ్డీస్ లాబ్స్ 2.66 శాతం, ఆదాని పోర్ట్స్ 1.93 శాతం, భారతి ఎయిర్‌టెల్ 1.64 శాతం,  విప్రో 0.98 శాతం, ఇన్ఫోసిస్ 0.84 శాతం చొప్పున క్షీణించాయి. మరోవైపు సోమవారం కాస్త మెరుగైన ఫలితాలు వెల్లడించిన హెచ్‌డీఎఫ్‌సీ స్వల్ప పెరుగుదలతో ముగిసింది. పెరిగిన షేర్లలో బీహెచ్‌ఈఎల్, గెయిల్, హీరో మోటోకార్ప్‌లు వున్నాయి.