టోక్యో: హైదరాబాద్ బ్యాడ్మింటన్ స్టార్ కిడాంబి శ్రీకాంత్ జపాన్ సూపర్ సిరీస్ టోర్నమెంట్‌లో ఎనిమిదో సీడ్‌గా బరిలోకి దిగుతున్నాడు. నేడు (మంగళవారం) క్వాలిఫయింగ్ పోటీలు, బుధవారం నుంచి మెయిన్ డ్రా మ్యాచ్‌లు జరుగుతారుు. రియో ఒలింపిక్స్ తర్వాత శ్రీకాంత్ ఆడుతున్న తొలి టోర్నీ ఇదే కాగా... మెయిన్ డ్రా మొదటి రౌండ్లో అతను క్వాలిఫయర్‌తో తలపడనున్నాడు. గాయంతో ఆటకు దూరమై ర్యాంకింగ్‌ను కోల్పోయి పారుపల్లి కశ్యప్ క్వాలిఫయింగ్‌లో తలపడనున్నాడు. తొలిరౌండ్లో అతను డేవిడ్ ఒబెర్నోస్టెర్ (ఆస్ట్రియా)తో పోటీపడతాడు. మహిళల క్వాలిఫయింగ్‌లో తన్వీలాడ్... జపాన్‌కు చెందిన కిసాటో హొషిని ఢీకొంటుంది.
 
 
 పురుషుల సింగిల్స్ మెయిన్ డ్రాలో ప్రపంచ 18వ ర్యాంకర్ అజయ్ జయరామ్... సోని ద్వి కుంకోరోతో (ఇండోనేసియా), సారుు ప్రణీత్... గ క లాంగ్ అంగుస్ (హాంకాంగ్)తో, ప్రణయ్... ఇస్కందర్ జుల్కర్‌నెన్ (మలేసియా)తో తలపడతారు. డబుల్స్, మహిళల సింగిల్స్ మెయిన్ డ్రాలో భారత క్రీడాకారులెవరూ ఆడటం లేదు.


 రెండో రౌండ్‌లో సింధుతో పోటీ!
 టోక్యో: ప్రపంచ చాంపియన్‌షిప్‌లో రజతం సాధించి మంచి ఊపు మీదున్న నంబర్‌వన్ షట్లర్ సైనా నెహ్వాల్ ఇక జపాన్ సూపర్ సిరీస్‌పై గురి పెట్టింది. నేటి (మంగళవారం) నుంచి ఈ టోర్నీ జరుగుతుంది. రెండో సీడ్‌గా బరిలోకి దిగుతున్న సైనా బుధవారం తన తొలి మ్యాచ్‌లో బుసానన్ ఒంగ్‌బుమ్‌రంగ్‌పన్ (థాయ్‌లాండ్)ను ఎదుర్కొంటుంది. ఇందులో నెగ్గితే రెండో రౌండ్‌లో తెలుగు తేజం పీవీ సింధును ఢీకొనే అవకాశం ఉంది. గతేడాది ఇండియా గ్రాండ్‌ప్రి గోల్డ్ ఫైనల్లో తలపడిన తర్వాత వీరిద్దరు అంతర్జాతీయ స్థాయిలో ప్రత్యర్థులుగా ఆడలేదు. పురుషుల విభాగంలో ప్రపంచ నాలుగో ర్యాంకర్ కె.శ్రీకాంత్ ఒక్కడికే సీడింగ్ దక్కింది. తను స్కాట్ ఇవా న్స్ (ఐర్లాండ్)తో తొలిరౌండ్ ఆడతాడు. పి.కశ్యప్, ప్రణయ్, సాయి ప్రణీత్ కూడా ఆడనున్నారు. మహిళల డబుల్స్‌లో భారత్ నుంచి గుత్తా జ్వాల-అశ్విని.. ప్రద్య్నా గాద్రె-సిక్కిరెడ్డి జంటలు తమ సత్తా చూపేందుకు సిద్ధమవుతున్నాయి.


 రేపటి నుంచి ప్రారంభం కానున్న జపాన్ బ్యాడ్మింటన్ ఓపెన్ కు భారత బృదం సన్నద్దమైంది. ఈ టోర్నీలో పాల్గొనే భారత షట్లర్స్ సైనా నేహ్వాల్, శ్రీకాంత్, ప్రణోయ్, కశ్యప్, పీవీ సింధు లు టోక్యో చేరుకున్నారు. ప్రపంచ ఛాంపియన్ షిప్ లో టైటిల్ తృటిలో కోల్పోయిన సైనా.. జపాన్ ఓపెన్ లో ఎలాగైనా సత్తా చాటాలనే పట్టుదలతో ఉన్నారు. ఈ టోర్నీలో కరొలినా మారిన్ పై ప్రతీకారం తీర్చుకోవాలని ప్రత్యేకంగా ప్రణాళికలు రచిస్తోంది. దీని కోసం టోర్నీ కి ముందుగానే చేరుకుని తీవ్రంగా కసరత్తు చేస్తున్నారు. కాగా.. తొలి రౌండ్ మ్యాచ్ లో సైనా... థాయ్ లాండ్ కి చెందిన బుసానన్ తో తలపడనుంది. కాగా రెండో రౌండ్ లో సైనా, పీవీ సింధు ఎదుర్కో నుంది.