రిజ్వాస్‌ కలసిస్‌ ప్రధాన పాత్రలో కృష్ణమూర్తి రాజ్‌కుమార్‌ దర్శకుడిగా పరిచయం అవుతున్న చిత్రం ‘ఓ మనిషి నీవు ఎవరు..?’. సుమన్, చలపతిరావు, జూనియర్‌ రేలంగి, బి.హెచ్‌.ఇ.ఎల్‌ ప్రసాద్‌ ముఖ్య తారలుగా నటిస్తున్నారు. స్వర్ణ కుమారి దొండపాటి నిర్మిస్తున్నారు. కె. దుర్గా భవాని సహ నిర్మాత. ఈ చిత్రం తొలి షెడ్యూల్‌ హైదరాబాద్‌లో ముగిసింది. ప్రస్తుతం విజయవాడలో చిత్రీకరణ జరుగుతోంది. ‘‘తొలి షెడ్యూల్‌లో కీలక తారాగణంపై ముఖ్య  సన్నివేశాలను చిత్రీకరించాం’’ అన్నారు దర్శకుడు. ‘‘అవుట్‌పుట్‌ బాగా వస్తుంది. సంతోషంగా ఉంది. త్వరలో ఆడియో వేడుకను, గుడ్‌ ఫ్రైడే రోజున సినిమా రిలీజ్‌ను ప్లాన్‌ చేస్తున్నాం’’అన్నారు నిర్మాత.


  రాజమండ్రి కల్చరల్ :ఇప్పటి వరకు దాదాపు 350 పాత్రలు పోషించాను. నాకు నచ్చిన పాత్ర ఇప్పటి వరకూ లభించలేదని జూనియర్ రేలంగి అన్నారు. వ్యక్తగత కార్యక్రమంపై శనివారం రాజమండ్రి వచ్చిన ఆయనతో చిట్‌చాట్...
  
  నాటితరం మేటి హాస్యనటుడు రేలంగితో పోలిస్తే మీరు ఎలా ఫీల్ అవుతారు.?
  ఇది నా అదృష్టంగా భావిస్తాను. ఆ అర్హత ఉందా అనిపిస్తోంది.రేలంగి నా అభిమాన నటుడు.
  
   నాటికీ నేటికీ హాస్యంలో ఎలాంటి మార్పులు వచ్చాయి?
  హాస్యం నాడు కథలో అంతర్భాగంగా ఉండేది. సున్నితంగా ఉండేది. నేడు కూడా కమెడియన్ లేని సినిమా ఉండవచ్చు, కానీ హాస్యం లేకుండా సినిమా ఉండదు. హీరోలు కూడా కామెడీ చేయడానికి ఇష్టపడుతున్నారు. నాటి హాస్యం మళ్లీ తెరపై ఎప్పటికయినా కనిపిస్తుందని ఎదురుచూస్తున్నాను.
  
   మీకు నచ్చిన పాత్ర ఏది?
  ఇన్ని సినిమాల్లో నటించాను కానీ ఏ పాత్ర అంతగా తృప్తినివ్వలేదు. సున్నితంతో కూడిన హాస్య పాత్ర పోషించాలని ఉంది. ఆ అవకాశం కోసం ఎదురుచూస్తున్నాను.
  
  మీ వ్యక్తిగత వివరాలు చెబుతారా?
   నాది ఈ జిల్లానే. రాజోలు మండలం కడలి స్వగ్రామం. బి.కాం, ఎల్.ఎల్.బి చదివాను. నటనపై ఆసక్తితో ఈ రంగానికి వచ్చాను. నా పూర్తి పేరు కాశీభొట్ల సత్యప్రసాద్.