ఢిల్లీ: దేశ రాజధాని నడిబొడ్డున కాల్పులు కలకలం సృష్టించాయి. 36 ఏళ్ల ఓ వ‍్యక్తి రోడ్డు పక్కన దుకాణం ముందు కూర్చొని ఉండగా ఓ బాలుడు అతడి ముఖంపై కాల్పులు జరిపి పరారైనట్లు పోలీసులు తెలిపారు. ఈ సంఘటనకు సంబంధించి నలుగురు మైనర్లను అరెస్ట్‌ చేసినట్లు చెప్పారు. శుక్రవారం సాయంత్రం 5.15 గంటల ప్రాంతంలో ఢిల్లీలోని జహంగిర్‌పురి ప్రాంతంలో కాల్పులు జరిగినట్లు వెల్లడించారు. హుటహుటిన సంఘటనా స్థలానికి చేరుకున్న పోలీసులు తూటా తగిలిన జావేద్‌ అనే వ్యక్తిని స్థానిక ఆసుపత్రికి తరలించారు. అక్కడి నుంచి మెరుగైన చికిత్స కోసం మరో ఆసుపత్రికి తరలించినట్లు సీనియర్‌ పోలీస్‌ అధికారి తెలిపారు. బాధితుడి కుడి కంటికి తీవ్ర గాయమైనట్లు పోలీసులు తెలిపారు. ఈ ఘటనకు సంబంధించిన సీసీటీవీ దృశ్యాలు సామాజిక మాధ్యమాల్లో చక్కర్లు కొడుతున్నాయి. #WATCH | Delhi: 4 minor boys apprehended for firing at a man in Jahangirpuri on 15th July. The man has been hospitalised. Case u/s 307 IPC registered. Accused say that the man had beaten up father of one of the minors 7 months back & they had come to take revenge. (Source: CCTV) pic.twitter.com/Icl2i4x3LN — ANI (@ANI) July 16, 2022 బాధితుడు జావేద్‌ చెప్పిన వివరాల ప్రకారం.. శుక‍్రవారం సాయంత్రం 4.45 గంటల ప్రాంతంలో పార్క్‌ సమీపంలోని ఓ దుకాణం ముందు కూర్చుని ఉన్నాడు. ముగ్గురు మైనర్‌ బాలురు అక్కడికి వచ్చారు. అందులోని ఓ బాలుడు గన్‌ తీసి ముఖంపై కాల్పులు జరిపాడు. ఆ తర్వాత ముగ్గురు అక్కడి నుంచి పరారయ్యారని డిప్యూటీ కమిషనర్‌ ఉషా రంఘ్నాని తెలిపారు. ప్రస్తుతం బాధితుడి పరిస్థితి నిలకడగానే ఉందని చెప్పారు. జహంగిర్‍పురి స్టేషన్‌లో హత్యా యత్నం కేసు నమోదు చేసి నలుగురు బాలురను అరెస్ట్‌ చేసినట్లు చెప్పారు. వారి దగ్గరి నుంచి నాటు తుపాకీ స్వాధీనం చేసుకున్నారు పోలీసులు.  అసలు కారణం ఇదీ.. పోలీసుల విచారణలో నిందితుల్లో ఓ బాలుడి తండ్రిని ఏడు నెలల క్రితం బాధితుడు కొట్టినట్లు తెలిసింది. దీంతో కోపం పెంచుకున్న బాలుడు తన స్నేహితులతో కలిసి అతడిని చంపాలని ప్రణాళిక చేశాడు. అందులో భాగంగానే నాటు తుపాకీతో కాల్పులు జరిపాడని పోలీసులు తెలిపారు.  ఇదీ చూడండి: Orissa Crime: ఒళ్లు గగుర్పొడిచే దృశ్యం: భార్య తలను నరికి చేతిలో పట్టుకుని 12 కి.మి..


  
 
  రూ.1.10 లక్షల సొత్తు స్వాధీనం
 
  నగర డీఎస్పీ జి. వెంకటరాముడు
 
 నెల్లూరు (క్రైమ్‌) : ఇంటి దొంగతనం కేసులో ఇద్దరు బాల నేరస్తులను పోలీసులు శుక్రవారం పెన్నానది సమీపంలోని తిక్కన పార్కు వద్ద అరెస్ట్‌ చేశారు. వారి వద్ద నుంచి రూ.1.10 లక్షల విలువ చేసే సొత్తును స్వాధీనం చేసుకున్నారు. మూడో నగర పోలీస్‌స్టేషన్‌లో ఏర్పాటు చేసిన విలేకరుల సమావేశంలో నగర డీఎస్పీ జి. వెంకటరాముడు నిందితుల వివరాలను వెల్లడించారు. నెల్లూరు నగరంలోని మన్సూర్‌నగర్, జెండావీధి, చిత్తూరు, రాజమండ్రికి చెందిన నలుగురు బాలలు దొంగతనం కేసులో తిరుపతిలోని బాలనేరస్తుల సంరక్షణ గృహంలో ఉన్నారు. వారు ఈ నెల 8వ తేదీన అక్కడ నుంచి తప్పించుకుని నెల్లూరుకు చేరుకున్నారు. నెల్లూరు నగరంలో తిరుగుతూ ఈ నెల 14వ తేదీ అర్ధరాత్రి సంతపేట బీఈడీ కళాశాల సమీపంలో నివాసముంటున్న విశ్రాంత ఉద్యోగి నావూరి ఈశ్వరయ్య ఇంట్లో దొంగతనం చేశారు. బీరువాలో ఉన్న 66 గ్రాముల బంగారు ఆభరణాలు, సెల్‌ఫోన్‌లను అపహరించుకుని వెళ్లారు. వారు కదలికలపై మూడో నగర ఇన్‌చార్జి ఇన్‌స్పెక్టర్‌ ఎస్‌కే అబ్దుల్‌కరీం తమ సిబ్బందితో కలిసి నిందితుల్లో ఇద్దరు బాలనేరస్తులను శుక్రవారం అరెస్ట్‌ చేశారు. మిగిలిన నిందితుల కోసం గాలిస్తోన్నట్లు డీఎస్పీ తెలిపారు. నిందితులు గతంలో నెల్లూరు నగరంలో ఒకటో నగరం, మూడో నగర పోలీస్‌స్టేషన్‌ల పరిధిలో దొంగతనాలకు పాల్పడినట్లు డీఎస్పీ చెప్పారు. నిందితులను అరెస్ట్‌ చేసి చోరీ సొత్తు రాబట్టుటకు కృషి చేసిన మూడో నగర ఇన్‌చార్జి ఇన్‌స్పెక్టర్‌ ఎస్‌కే అబ్దుల్‌కరీం, ఒకటి, మూడో నగర ఎస్‌ఐలు గిరిబాబు, పి. రామకృష్ణ, హెడ్‌కానిస్టేబుల్స్‌ ఎస్‌కే షమీర్, రఫి, కానిస్టేబుల్స్‌ కె. శివప్రసాద్, ఏడుకొండలు, ఎస్‌కే అల్లాభక్షు, టి. వేణు, పి. శ్రీనివాసులు, సుధాకర్‌సింగ్‌ను డీఎస్పీ అభినందించారు. ఎస్పీ విశాల్‌గున్నీ చేతుల మీదుగా రివార్డులు అందించనున్నట్లు ఆయన వెల్లడించారు. ఈ సమావేశంలో ఇన్‌స్పెక్టర్‌ ఎస్‌కే అబ్దుల్‌కరీం, ఎస్‌ఐ గిరిబాబు తదితరులు పాల్గొన్నారు.