‘తాతా మనవడు’తో మొదలై.. 150 చిత్రాలకు దర్శకత్వం వహించారు దాసరి నారాయణరావు. ఇది గిన్నిస్‌బుక్ ఆఫ్ వరల్డ్ రికార్డ్. ప్రస్తుతం ఉన్న పరిస్థితుల్లో ఈ రికార్డ్ బ్రేక్ అవ్వడం చాలా కష్టం. అయితే... ఇప్పటికీ దాసరి రిలాక్స్ అవ్వలేదు. తన 151వ చిత్రాన్ని సెట్స్‌కి తీసుకెళ్లనున్నారు. తాతా మనవళ్ల కథతో దర్శకునిగా కెరీర్ ప్రారంభించిన ఆయన, తన 151వ చిత్రానికి కూడా తాతా మనవళ్ల నేపథ్యాన్నే ఎంచుకోవడం విశేషం. తమిళ సూపర్‌హిట్ ‘మంజ పై’ ఈ చిత్రానికి మాతృక. ఈ నెల 24 నుంచి ఈ సినిమా నిరవధిక చిత్రీకరణ మొదలుకానుంది. ఇందులో దాసరి తాతగా, మంచు విష్ణు మనవడిగా నటిస్తుండటం విశేషం. విష్ణుకు జోడీగా కేథరిన్‌ని తీసుకున్నారు దాసరి. చక్రి ఈ చిత్రానికి సంగీత దర్శకుడు. ఈ సినిమాకు సంబంధించిన పూర్తి వివరాలు తెలియాల్సి ఉంది.


 చమక్ చల్లో, ఇద్దరమ్మాయిలతో చిత్రాల్లో నటించిన మలయాళ భామ కేథరిన్ యాక్ట్ చేసిన ‘పైసా’ విడుదల కావాల్సి ఉంది. ప్రస్తుతం ఆమె తెలుగులో సినిమాలు కమిట్ కాలేదు. అయితే తమిళంలో మాత్రం రెండు చిత్రాలు అంగీకరించిందని సమాచారం.
  
  కార్తీ సరసన ‘కాళీ’ అనే చిత్రంలో నటించడానికి అంగీకరించిన కేథరిన్ తాజాగా అథర్వ సరసన ఓ చిత్రంలో నటించడానికి గ్రీన్ సిగ్నల్ ఇచ్చింది. మురుగదాస్ దగ్గర సహాయ దర్శకునిగా చేసిన సంతోష్ ఈ చిత్రానికి దర్శకత్వం వహించనున్నారు. 
  
  త్వరలో ఈ చిత్రం షూటింగ్ ప్రారంభం కానుంది. ఈ రెండు చిత్రాల్లోనూ కేథరిన్‌వి మంచి పాత్రలే అని, తప్పకుండా ఆమె కెరీర్‌కి ఉపయోగపడే చిత్రాలు అవుతాయని కోలీవుడ్ టాక్.