సాక్షి, కామారెడ్డి : జిల్లా కేంద్రంలోని ఓ లేడీ జేబుదొంగ వరుస దొంగతనాలకు పాల్పడుతోంది. పలు ప్రాంతాల్లోకి ప్రవేశించి ప్లాస్టిక్‌ కవర్‌ అడ్డుపెట్టి మరి జేబులు కొట్టేస్తోంది. ఈ నెల 23న జరిగిన రెండు దొంగతనలు తాజాగా వెలుగులోకి వచ్చింది. వివరాలు.. మేన్స్‌ క్లబ్‌లోకి వెళ్లిన మహిళా జేబుదొంగ ఓ వ్యక్తి జేబు కొట్టిసింది. అరగంట వ్యవధిలోనే సూపర్ మార్కెట్లోకి వెళ్లి మరో వ్యక్తి జేబు కొట్టేసింది. దర్జాగా సూపర్ మార్కెట్ లోకి ప్రవేశించిన మహిళ కేవలం ఒక్క నిమిషంలోనే వ్యక్తి జేబులోంచి పర్సును దొంగిలించిది. ఈ సంఘటన ఈనెల 23న జరిగింది. జీన్స్‌ టీషర్టులో ధరించిన మహిళ ముఖానికి మాస్కు కట్టుకొని షాప్‌లోకి ప్రవేశించింది. అనంతరం సరాసరి క్యాష్‌ కౌంటర్‌ దగ్గరకు వెళ్లిన మహిళ తనను ఎవరైనా గమనిస్తున్నారా అని పరిశీలించి మెల్లగా తన ముందు ఉన్న వ్యక్తి జేబులోనుంచి పర్సును దొంగిలించింది. ఈ దృశ్యాలన్నీ సీసీ కెమెరా ఫుటేజీలో రికార్డు అయ్యాయి. దీంతో సదురు జేబుదొంగ బాగోతం బట్టబయలైంది. ఈ దొంగతనం దృశ్యాలు సోషల్ మీడియాలో వైరల్ అవుతున్నాయి. ఈ విషయంపై ఆయా షాపుల‌ యజమానులు పోలీసులకు ఫిర్యాదు చేశారు. చదవండి: అదృష్టం: చెత్త కుప్పనుంచి మంత్రి ఆఫీసుకు..


 దేశ రాజధానిలో పిక్ పాకెటర్లలో 94 శాతం మంది ఆడవాళ్లేనట. గత ఆరు నెలల్లో ఢిల్లీ మెట్రో రైళ్లలో జేబులు కత్తిరించే కేసుల్లో దొరికిన వారిలో ఎక్కువ మంది మహిళలే. బాధితుల్లోనూ మహిళలే ఎక్కువ. 
  
 ఢిల్లీలో రౌడీలు, రైల్ పెట్టె రోమియోల బాధను తప్పించుకునేందకు మహిళలు ఎక్కువగా స్త్రీలకు కేటాయించిన పింక్ కంపార్ట్ మెంట్లలో ఎక్కుతున్నారు. అయితే అక్కడ రోమియోలు, రౌడీల బాధ లేదు కానీ, లేడీ పిక్ పాకెటర్ల బెడద ఎక్కువైపోయింది.
  
 ఢిల్లీ మెట్రోలో గత ఆర్నెల్లలో అరెస్టైన 126 మంది పిక్ పాకెటర్లలో 118 మంది లేడీ కిలాడీలేనట. గతేడాది కూడా ఢిల్లీ మెట్రోలో 193 మంది పిక్ పాకెటర్లు పట్టుబడ్డారు. వీరిలో 91 శాతం మంది ఆడవాళ్లే. 
  
 వీరంతా అద్దిరిపోయే ఇంగ్లీషులో మాట్లాడేస్తున్నారట. లాప్ టాపులు భుజాన వేసుకుని, అత్యాధునికంగా డ్రస్సులేసుకుని అదరగొట్టేస్తున్నారట. అనుమానం వచ్చినా అడగలేనంత మోడర్న్ గా ఉండటంతో వారంతా దొరికే దాకా దొరసానులే!