సినిమా: నటి వనితా విజయకుమార్, నటి,దర్శకురాలు లక్ష్మీరామకృష్ణన్‌ మధ్య వివాదం ఇప్పట్లో సమసేలా లేదు. ఇప్పుటికే అనుచిత వ్యాఖ్యలతో దూషించుకున్న వీరు ఇప్పుడు సమన్లు, బెదిరింపుల వరకూ వెళుతున్నారు. ఈ వివరాలు చూస్తే నటి వనిత ఇటీవల పీటర్‌పాల్‌ అనే వ్యక్తిని మూడో పెళ్లి చేసుకున్నప్పటి నుంచి ఈ వివాదానికి  తెరలేచింది. వనిత మూడో వివాహం చేసుకోవడాన్ని లక్ష్మీరామకృష్ణన్‌తో పాటు కస్తూరి తీవ్రంగా విమర్శించారు. దీంతో వనిత వారిపై ఎదురుదాడికి దిగింది. అలా లక్ష్మీరామకృష్ణన్‌  వ్యక్తిగత జీవితం గురించి విమర్శించింది. (వనితపై వరుస కేసులు) దీంతో లక్ష్మీరామకృష్ణన్‌ లాయర్‌ ద్వారా వనితకు నోటీసులు జారీ చేయించింది. దాని కాపీని స్థానిక వడపళని మహిళా పోలీస్‌స్టేషన్‌కు, వడపళని అసిస్టెంట్‌ పోలీస్‌ కమిషనర్‌కు,  చెన్నై మహిళా సంఘానికి పంపింది. ఈ నోటీస్‌పై వనిత స్పందిస్తూ లక్ష్మీరామకృష్ణన్‌ రూ.1.25 కోట్ల నష్టపరిహారం చెల్లించాలంటూ బెదిరిస్తూ తనకు నోటీసులు పంపినట్లు వెటకారంగా పేర్కొంది. ఆమె పంపిన నోటీస్‌ కోర్టు ద్వారా వచ్చింది కాదని చెప్పింది. దానికి బదులుగా తానూ లక్ష్మీ రామకృష్ణన్‌కు నోటీస్‌ పంపినట్లు వనిత పేర్కొంది. లక్ష్మీరామకృష్ణన్‌ బెదిరింపులకు బెదిరిపోయేది లేదని, చట్టపరంగానే ఎదుర్కొంటానని వనిత పేర్కొంది. 

చెన్నై : ఇతరుల విషయంలో తలదూర్చకండి అంటూ నటి, దర్శకురాలు లక్ష్మీ రామకృష్ణన్‌కు నటి వనితా విజయ్‌ కుమార్‌ సూచించారు. అసలు విషయం ఏమిటంటే నటి వనిత ఇటీవలే పీటర్‌ పాల్‌ అనే వ్యక్తిని మూడో వివాహం చేసుకున్నారు. తనకు విడాకులు ఇవ్వకుండానే మరో పెళ్లి చేసుకున్నాడని అదే రోజు పీటర్‌ మొదటి భార్య ఎలిజబెత్‌ హెలెన్‌ ఆయనపై వడపళని పోలీస్‌ స్టేషన్‌లో ఫిర్యాదు చేశారు. ఈ విషయంపై లక్ష్మీ రామకృష్ణన్‌ స్పందించారు. వనితను పీటర్‌ పాల్‌ వివాహం చేసుకునే వరకు ఆయన మొదటి భార్య చూస్తూ ఎందుకు ఉందని, అప్పటివరకు ఎందుకు ఫిర్యాదు చేయలేదని, ఇప్పుడు డబ్బు కోసమే ఆమె ఫిర్యాదు చేసిందని ట్విటర్‌లో పేర్కొన్నారు. వనిత చాలా క్లిష్ట పరిస్థితులను ఎదుర్కొంటున్నారని, ఈ బంధం అయినా ఆమె నిలుపుకుంటారని ఆకాంక్షిస్తున్నట్టు తెలిపారు. లక్ష్మీ రామకృష్ణన్‌ వ్యాఖ్యలపై వనిత విజయ్‌ కుమార్‌ ఘాటుగా స్పందించారు. (మూడో పెళ్లి చేసుకున్న న‌టి; ఫోటోలు వైర‌ల్‌) ‘దంపతులుగా జీవిస్తున్న ఇద్దరు ఎందుకు విడిపోతున్నారో, ఎందుకు విడాకులు తీసుకుంటున్నారో మీకు తెలుసా..? మీకు తెలియని విషయంపై ఆసక్తి చూపించాల్సిన అవసరం లేదు. నేను ఎవరి వ్యక్తిగత విషయాల్లో జోక్యం చేసుకోవడంలేదు కాబట్టి, మీరు ఈ విషయంలో తలదూర్చటం ఆపేయాలి. మీకు తెలియని ఒక వ్యక్తి గురించి ఎలాంటి అభిప్రాయం వ్యక్తం చేయాల్సిన అవసరం లేద’ని సూచించారు. తాను తెలిసో తెలియకో ఈ వ్యవహారంలో చిక్కుకున్నానని, దాన్ని ఎలా సరిదిద్దుకోవాలో తనకు తెలుసని అన్నారు. ఇతరుల సలహా గానీ, సహాయం గానీ తనకు అవసరం లేదని నటి వనిత స్పష్టం చేశారు. (విడాకులు ఇవ్వకుండానే మ‌రో పెళ్లా?)

సినిమా: హౌస్‌ ఓనర్‌ చిత్రానికి విడుదలకు ముందే అభినందనలు వర్షిస్తున్నాయని ఆ చిత్ర దర్శకురాలు, నటి లక్ష్మీరామకృష్ణన్‌ ఆనందంలో తేలిపోతున్నారు. కమర్శియల్‌గా విజయం సాధించిన చాలా చిత్రాలు కొన్నాళ్లే ప్రేక్షకుల్లో గుర్తుంటాయి.అలా చాలాకాలం గుర్తిండిపోయే చిత్రాలు కొన్నే ఉంటాయి. అలాంటి వాటిలో దర్శకురాలు లక్ష్మీరామకృష్ణన్‌ చిత్రాలు కచ్చితంగా చోటు చేసుకుంటాయని చెప్పవచ్చు.అలా ఈమె తెరకెక్కించిన ఆరోహణం, అమ్మణి చిత్రాల తరువాత తాజాగా దర్శకత్వం వహించిన చిత్రం హౌస్‌ ఓనర్‌. నిర్మాణ కార్యక్రమాలు పూర్తి చేసుకున్న ఈ చిత్రం గురించి దర్శకురాలు లక్ష్మీ రామకృష్ణన్‌ తెలుపుతూ హౌస్‌ ఓనర్‌ చిత్రం జనరంజకంగానే కాకుండా, అందరినీ ఆలోచింపజేసే చిత్రంగా ఉంటుందన్నారు. చిత్రాన్ని తనకు సన్నిహితులు, విశ్లేషకులు అయిన కొంది మందికి ప్రదర్శించినట్లు తెలిపారు. చిత్రం చూసిన వారందరూ చక్కని సందేశంతో కూడిన కమర్శియల్‌ అంశాలతో కూడిన చిత్రం అని అభినందించడం సంతోషంగా ఉందన్నారు. ఇందులో ఆడుగళం కిశోర్‌ ప్రధాన పాత్రలో నటించగా, నటి విజీ చంద్రశేఖర్‌ కూతురు లవ్లీన్‌ను కథానాయకిగా పరిచయం చేసినట్లు చెప్పారు. తన నటన ఆమె తల్లి విజీ చంద్రశేఖర్, నటి సరిత గర్వపడేలా ఉంటుందన్నారు. నటన అనేది కుటుంబం సొత్తు అన్నట్టుగా లవ్లీన్‌ నటించిందని అన్నారు. నటి శ్రీరంజని కూడా మంచి పాత్రను పోషించినట్లు చెప్పారు. ఇక సంగీతదర్శకుడు జిబ్రాన్‌ సంగీతం చిత్రానికి అదనపు ఆకర్షణగా నిలిస్తుందని అన్నారు. హౌస్‌ఓనర్‌ చిత్రాన్ని సమ్మర్‌ స్పెషల్‌గా విడుదల చేయనున్నట్లు లక్ష్మీరామకృష్ణన్‌ తెలిపారు.


  సీనియర్ నటి, దర్శకురాలు లక్ష్మీ రామకృష్ణన్ హత్యా బెదిరింపులను ఎదుర్కొంటున్నారు. తమిళంలో పిరివోమ్ సందిప్పోమ్, తిరు తిరు తురు తురు, ఈరం, నాడోడిగళ్, బాస్ ఎన్గిర భాస్కరన్ తదితర చిత్రాల్లో ముఖ్య భూమికలను పోషించారు. మలయాళంలోనూ కొన్ని చిత్రాలు చేసిన లక్ష్మీరామకృష్ణన్ ఆరోహణం చిత్రం ద్వారా దర్శకురాలిగా మారారు.
  
  ప్రస్తుతం నెరింగవా ముత్తమిడాదే చిత్రాన్ని తెరకెక్కిస్తున్నారు. అదే విధంగా సొల్వ దెల్లాం ఉన్నై అనే టీవీ ప్రోగ్రామ్‌ను నిర్వహిస్తున్నారు. ఈ కార్యక్రమంలో జీవితంలో వేదనకు గురైన వారిని వేదికపైకి తీసుకొచ్చి వారి సమస్యలను చర్చించడమే ప్రదానాంశం. ఈ కార్యక్రమం వలన నటి లక్ష్మీ రామకృష్ణన్‌కు కొందరు వ్యక్తుల నుంచి హత్యా బెదిరింపులు వస్తున్నట్లు సమాచారం. టీవీ కార్యక్రమంలో లక్ష్మీమీనన్ వివాద స్పద అంశాలను చర్చకు తీసుకొస్తుండటమే ఇందుకు కారణంగా భావిస్తున్నారు. ఈ విషయమై నటి లక్ష్మీ రామకృష్ణన్ భర్త పోలీసు కమిషనర్‌కు ఫిర్యాదు చేసినట్లు తెలిసింది.