సినిమానే కాదు ఈ లోకానే వదిలి వెళ్లిపోయిన విలక్షణ నటుడు కళాభవన్ మణి. ఆయనది హత్యో, ఆత్మహత్యో తెలియన సందిగ్ధ పరిస్థితి కొనసాగుతున్న తరుణంలో కళాభవన్  మణి నటించిన చివరి చిత్రం త్వరలో విడుదలకు సిద్ధమవుతోంది. అయితే ఇలాంటి పరిస్థితి బాధాకరం అంటున్నారు ఆ చిత్ర యూనిట్. సహారా ఎంటర్‌టెయిన్‌మెంట్ పతాకంపై షాహీర్ జెన్ నిర్మించిన చిత్రం పుదుసానాన్ పొరందేన్.
  
  తెన్‌కాశి చిత్రంలో బాల నటుడిగా నటించిన బియోన్ ఆ తరువాత తమిళం, మలయాళం భాషల్లో 40 చిత్రాలకు పైగా నటించారు. ఆయన ఈ చిత్రం ద్వారా హీరోగా పరచయమవుతున్నారు. హీరోయిన్‌గా కల్యాణి నాయర్ నటించిన ఇందులో నటుడు కళాభవన్ మణి పోలీసు అధికారిగా ప్రధాన పాత్ర పోషించారు.
  
  ఇతర పాత్రల్లో కరాటే రాజా, విజయన్, నరేశ్, చార్మిళ నటించారు. బాలు కథ, కథనం,మాటలు అందించిన ఈ చిత్రానికి మజీద్ అబు దర్శకత్వం వహించారు. ఈ చిత్రం గురించి ఆయన తెలుపుతూ నటుడు కళాభవన్ మణి నటించిన చివరి చిత్రం పుదుసా నాన్ పొరందేన్ అని తెలిపారు. ఈ చిత్రంలో పోలీస్ అధికారిగా నటించిన ఆయనకు సంబంధించిన సన్నివేశాలను కోడైక్కానల్‌లో చిత్రీకరించినట్లు తెలిపారు. ఒక రోజు ఆయన తీవ్ర జ్వరానికి గురయ్యారన్నారు.
  
  దీంతో తాము మరో రోజు షూటింగ్ చేద్దామని చెప్పినా, ఆయన అంగీకరించకుండా అంత జ్వరంలోనూ ఒక నీటి తొట్టెలో ఫైట్ సన్నివేశంలో నటించి సహకరించారన్నారు. అలాంటి మంచి నటుడు తమ చిత్ర విడుదల సమయంలో లేకపోవడం బాధగా ఉందన్నారు. పుదుసా నాన్ పొరందేన్ చిత్రాన్ని జూలై 8వ తేదీన విడుదలకు సన్నాహాలు చేస్తున్నట్లు దర్శకుడు వెల్లడించారు.
  


 అనుష్కకు బాహుబలినే చివరి చిత్రమా? ఇది ఆమె అభిమానులను కలత పెట్టిస్తున్న అంశం, ప్రస్తుతం ఈమె నటిస్తున్న చిత్రాలన్నీ భారీ బడ్జెట్ చిత్రాలే. తమిళంలో సూపర్‌స్టార్ రజనీకాంత్ సరసన లింగా, అల్టిమేట్ స్టార్ అజిత్‌కు జంటగా ఒక చిత్రం చేస్తున్నారు. తెలుగులో చారిత్రాత్మక చిత్రాలు రుద్రమదేవి, బాహుబలి చేస్తున్నారు. వీటిలో రుద్రమదేవి షూటింగ్ పూర్తి చేసుకుని ఈ ఏడాది చివరిలో తెరపైకి రావడానికి ముస్తాబవుతోంది. అదే విధంగా తమిళంలో రజనీకాంత్ సరసన నటిస్తున్న లింగా చిత్ర షూటింగ్ ఈ నెల చివరికి పూర్తి అవుతుందని సమాచారం.
  
  అజిత్ సరసన నటిస్తున్న చిత్రం జనవరికి తెరపైకి తీసుకురావడానికి చిత్ర దర్శక నిర్మాతలు సిద్ధం అవుతున్నారు. బాహుబలి చిత్రం మాత్రం వచ్చే ఏడాదిగానీ, ఆపై వచ్చే ఏడాది ప్రథమార్థంలో గానీ విడుదల కావచ్చని సమాచారం. అయితే అనుష్క త్వరలో నటనకు స్వస్తి చెప్పనున్నారని ఆమె చివరి చిత్రం బాహుబలినే అవుతుందనే ప్రచారం జోరుగా జరుగుతోంది. అందుకు కారణాలు లేకపోలేదంటున్నారుు కోలీవుడ్ వర్గాలు. ఇటీవల ఒక నవ దర్శకుడు నటి అనుష్కను కలిసి కథ చెప్పారట. కథానాయిక చుట్టూ తిరిగే ఆ కథ అనుష్కకు బాగా నచ్చేసిందట. అయినా ఆమె నటించడానికి గ్రీన్ సిగ్నల్ ఇవ్వలేదట.
  
  సాధారణంగా ఇప్పుడు కాల్‌షీట్స్ లేవని చెప్పేసినట్లు తెలిసింది. నిజానికి లింగా చిత్రం షూటింగ్ ఈ నెలాఖరుకు పూర్తి అయితే అనుష్క చేతిలో అజిత్ చిత్రం, తెలుగు చిత్రం బాహుబలి మాత్రమే ఉంటాయి. అయితే త్వరలో పెళ్లి పీటలెక్కడానికి సిద్ధమవుతున్న ప్రచారమవుతోంది. అనుష్కకు కాబోయే వరుడు ప్రముఖ వ్యాపార వేత్త అని ప్రచారం జరుగుతోంది. బాహుబలి చిత్రాన్ని పూర్తి చేసిన తరువాత అనుష్క సంసార జీవితానికే పరిమితం కావాలని భావిస్తున్నట్లు ప్రచారం జరుగుతోంది.
  


  శ్రీహరి నటించిన చివరి చిత్రం ‘శివకేశవ్. సీతారామ ఫిలింస్ పతాకంపై బానూరు శ్రావణి-సాయినాథ్ సమర్పణలో బానూరు నాగరాజు (జడ్చర్ల) ఈ చిత్రాన్ని నిర్మించారు. ఆర్వీ సుబ్రహ్మణ్యం దర్శకత్వంలో రూపొందిన ఈ చిత్రం విడుదలకు సిద్ధమవుతోంది. ఈ సందర్భంగా నిర్మాత మాట్లాడుతూ -‘‘శ్రీహరి నటన, ఆయన చేసిన రిస్కీ ఫైట్స్ ఈ సినిమాకి హైలైట్‌గా నిలుస్తాయి. జయంత్ అద్భుతంగా నటించాడు. దర్శకుడికి ఇది మొదటి సినిమా అయినా బాగా తెరకెక్కించాడు. శివకేశవ్ ఎవరు? అనేది సినిమా చూసి తెలుసుకోవాల్సిందే. ఆకట్టుకునే కథా కథనాలతో సాగే యాక్షన్ ఎంటన్‌టైనర్ ఇది’’ అని చెప్పారు. జయంత్, సంజన, శ్వేతాబసుప్రసాద్, గుర్లిన్ చోప్రా తదితరులు నటించిన ఈ చిత్రానికి సహనిర్మాత: బానూరు మాలతి.