సాక్షి, గుంటూరు : ఎనిమిదేళ్ల బాలుడిపై ముగ్గురు మైనర్‌ బాలురు లైంగిక దాడి చేసిన ఘటన ఆలస్యంగా వెలుగులోకి వచ్చింది. ఈ ఘటనపై లాలాపేట పోలీసులు శనివారం కేసు నమోదు చేశారు. ఎస్‌హెచ్‌వో మురళీకృష్ణ తెలిపిన వివరాల ప్రకారం.. నల్లచెరువుకు చెందిన బాలుడు ఈ నెల 2వ తేదీన ఇంటి బయట ఆడుకుంటుండగా పరిచయస్తులైన 14 నుంచి 17 సంవత్సరాలు ఉండే మరో ముగ్గురు స్నేహంగా మెలిగారు. ఆడుకుందామని చెప్పి కాలనీలోని  చివరి లైనులోకి తీసుకెళ్లారు. నిర్మాణంలో ఉన్న భవనంలోకి తీసుకెళ్ళి లైంగిక దాడి చేశారు. పెద్ద వాళ్లకు చెప్పొద్దంటూ బాలుడిని బెదిరించారు. బాలుడు శుక్రవారం అస్వస్థతకు గురయ్యాడు. తల్లిదండ్రులు ఆరా తీయగా.. విషయం తెలిసింది. దీంతో పోలీసులకు శనివారం ఫిర్యాదు చేశారు. కేసు నమోదుచేసుకున్న పోలీసులు దర్యాప్తు ప్రారంభించామని తెలిపారు. 

సాక్షి, బెంగళూరు : బెంగళూరులో 17 ఏళ్ల యువకుడిని కిడ్నాప్ చేయడంతో పాటు అత్యాచారం చేశారన్న అభియోగంపై 24 ఏళ్ల యువతిని పోలీసులు అదువులోకి తీసుకున్నారు. అరెస్ట్‌ అయిన యువతికి  భర్తతో పాటు ఇద్దరు పిల్లలున్నట్లు తెలుస్తోంది. బాధిత యువకుడు, యువతి ఇద్దరూ బెంగళూరులోని కోలార్‌ గోల్డ్‌ ఫీల్డ్స్‌ (కేజీఎఫ్‌)కు చెందిన వారిగా పోలీసులు గుర్తించారు. అత్యాచారానికి పాల్పడిన యువతిపై ప్రొటెక్షన్‌ ఆఫ్‌ చిల్డ్రన్‌ ఫ్రమ్‌ సెక్సువల్‌ ఆఫెన్సెస్‌ (లైంగిక నేరాల నుంచి పిల్లలకు రక్షణ కల్పించే చట్టం) కింద కేసు నమోదు చేసినట్లు పోలీసులు తెలిపారు. లైంగిక చర్య జరిగిందనే విషయంపై యువతీ, యువకులకు వైద్య పరీక్షలు నిర్వహిస్తున్నట్లు పోలీసులు తెలిపారు. యువతి భర్త డ్రింకింగ్‌ వాటర్‌ సప్లయిర్‌గా పనిచేస్తున్నారు.


 లక్నో: ఉత్తరప్రదేశ్లో 23 ఏళ్ల యువతి 16 ఏళ్ల బాలుడిపై అత్యాచారం చేసింది. సహరన్పూర్ జిల్లా పోలీసులు ఆమెపై కేసు నమోదు చేశారు.
 
 సంబంధిత యువతి బాధితుడిపై అత్యాచారం చేసిన దృశ్యాలను వీడియో తీసింది. పెళ్లి చేసుకోకుంటే ఈ వీడియోను ఆన్లైన్లో పోస్ట్ చేస్తానని బెదిరించింది. ఇద్దరి మధ్య సాగిన ఫోన్ సంభాషణలు, ఎస్ఎమ్ఎస్, వాట్సాప్ మెసేజ్లను పరిశీలించిన అనంతరం యువతిపై కేసు నమోదు చేసినట్టు పోలీసులు తెలిపారు.