ఉన్నత విద్య కోసం ఆ‍స్ట్రేలియా వెళ్లిన ఓ యువకుడు అకస్మాత్తుగా అదృశ్యమయ్యాడు. వారం రోజులుగా ఆ యువకుడి ఆచూకీ తెలియక పోవడంతో కుటుంబ సభ్యులు ఆందోళన చెందుతున్నారు.  నగరంలోని మహ్మద్‌ మోసిన్‌ అలి మాజ్‌ (28) అనే యువకుడు మాస్టర్స్‌ చదివేందుకు ఆస్ట్రేలియా వెళ్లాడు. అక్కడ మెల్‌బోర్న్‌ దగ్గర ఉంటూ చదువుకుంటున్నాడు. అయితే 2021 డిసెంబరు 30 నుంచి కుటుంబంతో అతని సంబంధాలు తెగిపోయాయి. చివరి సారిగా క్లేటన్‌ సౌత్‌ దగ్గర ఉన్నట్టుగా తెలిసింది.  మహ్మద్‌ మోసిన్‌ అలిమాజ్‌ ఆచూకీ తెలియక పోవడంతో అతని కుటుంబ సభ్యులు ఆందోళన చెందుతున్నారు. ఇప్పటికే బాధితుడి సోదరుడు సోషల్‌ మీడియా ద్వారా తన సోదరుడి అదృశ్యం గురించిన వివరాలు వెల్లడించాడు. ఆచూకీ తెలిస్తే చెప్పాల్సిందిగా కోరాడు. మరోవైపు హైదరాబాదీ యువడకుడి అదృశ్యంపై ఆస్ట్రేలియాలో పోలీసులకు ఫిర్యాదు అందింది. ఈ మేరకు విక్టోరియా పోలీసులు మిస్సింగ్‌ కేసు నమోదు చేసుకుని దర్యాప్తు చేస్తున్నారు.  Mohammed is missing. The 28-year-old was last seen in Clayton South on Thursday, 30 December. Anyone with information is urged to contact Broadmeadows Police Station on 9302 8222. #220002920 pic.twitter.com/UjFc5vBaSl — Victoria Police (@VictoriaPolice) January 4, 2022 చదవండి: ఆస్ట్రేలియాలో రోడ్డు ప్రమాదం.. తెలంగాణ యువకుడి మృతి


 ప్రత్తిపాడు :
 ప్రత్తిపాడు స్టేట్‌ బ్యాంక్‌ ఆఫ్‌ హైదరాబాద్‌ శాఖలో కోట్ల రూపాయల్లో వ్యత్యాసం జరిగినట్టు తెలుస్తోంది. బ్యాంకు వ్యవహారాలన్నీ చక్కబెట్టే ప్యూన్‌ చేతి వాటం ప్రదర్శించి, సొమ్ము కాజేసినట్టు సమాచారం. గత నెలలో జరిగిన బ్యాంక్‌ ఆడిట్‌ ద్వారా సుమారు రూ. 2 కోట్లు తేడా జరిగినట్టు గమనించిన బ్యాంకు వర్గాలు పోలీసులకు ఫిర్యాదు  చేయడానికి సమాయత్తమవుతున్నారు. స్థానిక ట్రెజరీ ద్వారా వివిధ శాఖలను చెందిన సొమ్మును వేర్వేరు ఖాతాలకు ఈ బ్యాంకు ద్వారానే జమ అవుతాయి. నిధులు కాజేసేందుకు లేని ఖాతాలను ఫ్యూన్‌ సృష్టించినట్టు సిబ్బంది భావిస్తున్నారు. బ్యాంక్‌ మేనేజర్‌ కొప్పిశెట్టి సత్యానందం గురువారం రాత్రి ప్రత్తిపాడు సీఐ జి.సత్యనారాయణను కలిసి పరిస్థితిని ప్రాథమికంగా వివరించారు. ఈ వ్యవహారంపై శాఖాపరమైన దర్యాప్తు జరుగుతోందని, విచారణ అనంతరం పూర్తి వివరాలతో ఫిర్యాదు చేస్తామని బ్యాంక్‌ మేనేజర్‌ తెలిపినట్టు స్థానిక ఎస్సై ఎం.నాగదుర్గారావు ‘సాక్షి’కి తెలిపారు.