‘గబ్బర్‌సింగ్’లో పవన్‌కల్యాణ్ చెప్పిన ‘నాక్కొంచెం తిక్కుంది.. దానికో లెక్కుంది’ డైలాగ్ ఎంతలా పేలిందో, రింగ్‌టోన్‌గా ఎంతలా మార్మోగిందో అందరికీ తెలిసిందే. ఇప్పుడీ డైలాగ్ ఓ సినిమాకు టైటిల్‌గా కూడా అయిపోయింది. సుప్రసిద్ధ హాస్యనటుడు బ్రహ్మానందం హీరోగా రూపొందనున్న ఓ చిత్రానికి ‘నాక్కొంచెం తిక్కుంది... దానికో లెక్కుంది’’ అనే టైటిల్‌ని ఖరారు చేశారు. ఈ సినిమా త్వరలోనే సెట్స్ మీదకు వెళ్లనుంది. ఆ మధ్య బ్రహ్మానందం హీరోగా రూపొందిన ‘జఫ్ఫా’ ఎటువంటి ప్రచారం లేకపోయినా భారీ ప్రారంభ వసూళ్లు సాధించి, ప్రేక్షకుల్లో బ్రహ్మానందానికున్న క్రేజ్‌ని మరోసారి స్పష్టం చేసిన విషయం తెలిసిందే.