- నేటి నుంచి కొత్త మద్యం దుకాణాలు ప్రారంభం
 - ప్రధాన రహదారులకు 500 మీటర్లపైనే దుకాణాలు
  
 బద్వేలు/కడప అర్బన్‌
 జాతీయ, రాష్ట్ర రహదారులకు అర కిలో మీటరు దూరంలో మద్యం దుకాణం ఏర్పాటు చేసుకోవాలని సుప్రీంకోర్టు చెప్పిన నేపథ్యంలో నేటినుంచి వీటిని తొలగించనున్నారు. అనుమతులు వచ్చిన వారు నేటినుం చి కొత్త దుకాణాలు ఏర్పాటు చేయనున్నారు. వాహన చోదకులు మద్యం మత్తులో వాహనాలు నడిపి ప్రమాదాలకు కారణమవుతున్నారని..రాష్ట్ర, జాతీయ రహదారుల్లో ప్రమాదా లు ఎక్కువ జరుగుతున్నాయని  పలు అధ్యయనాల్లో తేలింది. ఈ నేపథ్యంలో ఈ రహదారులకు దూరంగా మద్యం దుకాణాలు ఏర్పాటు చేయాలని సుప్రీంకోర్టు ఖరాఖండిగా చెప్పింది. 500మీటర్ల లోపు ఉంటే ఎట్టి పరిస్థితుల్లో ఒప్పుకోమని పేర్కొంది.
  
 ఇప్పటికే ఏడాది ఆలస్యం
 జాతీయ, రాష్ట్ర రహదారులకు 500 మీట ర్ల దూరంలో మద్యం దుకాణాలు ఉండాలని ఏడాది కిందటే సుప్రీంకోర్టు పేర్కొం ది. పాత దుకాణాదారులకు మరో ఏడాది స మయం ఉండటంతో వారంతా కోర్టును ఆశ్రయించారు. తాము ప్రభుత్వానికి భారీగా ఫీ జు చెల్లించామని, దుకాణాలను దూరంగా ఏ ర్పాటు చేస్తే నష్టపోతామని వివరించారు.  దీంతో వారి గడువు ముగిసే వరకు వెసులు బాటు ఇచ్చారు. శుక్రవారంతో గడువు ము గిసింది. ప్రస్తుత దుకాణాలు పొందిన వా రు సుప్రీం ఆదేశాలనుసారం రహదారుల కు 500 మీటర్ల దూరంలో ఏర్పాటు చేయనున్నారు. జిల్లాలో మొత్తం 255 దుకాణాలు ఉండగా నిన్నటి వరకు వీటిలో 189 రాష్ట్ర, జాతీయ రహదారులపై ఉ న్నాయి. ఇవన్నీ ప్రస్తుతం తొలగిపోనున్నా యి. ఈ ఏడాది మార్చి చివర్లో కొత్తవాటిని లాటరీ పద్ధతిన ఎంపిక చేశారు. ఈ దుకాణాల యజమానులు శనివా రం నుంచి కొత్తవి ఏర్పాటు చేయనున్నారు.
  
 దోపిడీ, కల్తీకి తెర పడేనా...! 
 ఇప్పటి వరకు జిల్లాలో మద్యందుకాణాదారులు ఎమ్మార్పీ కంటే రూ.10 నుంచి రూ.20  అదనపు ధరకు అమ్ముకుని సొమ్ము చేసుకున్నారు. ఇటీవల అనుమతులు గడువు దగ్గర పడటం, ఎక్సైజ్‌ కమిషనర్‌గా బాద్యతలు చేపట్టిన అధికారి అదనపు ధరపై ఉక్కుపాదం మోపడంతో గత నెలరోజులుగా ఎమ్మార్పీకే విక్రయిస్తున్నారు. పోరుమామిళ్ల, బద్వేలు, మైదుకూరు ప్రాంతాల్లో కల్తీ మద్యం కూడా ఎక్కువే. అధికారుల దాడుల్లో కల్తీ మద్యం దొరకడం, కేసులు పెట్టడం కూడా జరిగింది. ప్రస్తుతం దుకాణాలు దక్కించుకున్న వారిలో పాతవారు కూడా ఉన్నారు. వీరు తమ ఆగడాలను అలాగే కొనసాగిస్తారో.. లేదో అన్నది తేలాల్సి ఉంది. జులై నుంచి ఏర్పాటు చేస్తున్న దుకాణాల ఫీజులు భారీగా తగ్గాయి. ఇప్పటి వరకు కట్టిన ఫీజు మూడింటిలో రెండింతలు తగ్గింది. 50 వేల నుంచి 3 లక్షల జనాభా ఉన్న ప్రాంతాల్లో మద్యం దుకాణం ఫీజు గతంలో రూ.50 లక్షలు ఉండగా ప్రస్తుతం అది రూ.11.25లక్షలకు చేరింది. 25 వేల నుంచి 50 వేల జనాభా ఉన్న ప్రాంతాల్లో పాత ఫీజు రూ.30 లక్షలు ఉండగా ప్రస్తుతం రూ.10లక్షలు చేశారు.
  
 ఈ నిబంధనలు తప్పవు
 కొత్త మద్యం దుకాణాలు ఏర్పాటులో మరిన్ని నిబంధనలు అమల్లోకి రానున్నాయి. ప్రభుత్వ, ప్రైవేట్‌ పాఠశాలలు, కళాశాలలకు 100 మీటర్ల దూరంలో దుకాణం ఏర్పాటు చేసుకోవాలి. దేవాదాయశాఖ ద్వారా గుర్తింపు పాందిన ఆలయాలకు 100 మీటర్ల అవతల ఏర్పాటు చేయాలి. వక్ఫ్‌బోర్డు, గుర్తింపు ఉన్న మసీదులు, మైనార్టీ సంక్షేమ శాఖ గుర్తింపు ఉన్న చర్చిలకు 100 మీటర్ల లోపు దుకాణాలు ఏర్పాటు చేయకూడదని నిబంధన పెట్టారు.
  
 500 మీటర్ల అవతల ఉండాల్సిందే 
 కొత్తగా ఏర్పాటే చేసే దుకాణాలు రాష్ట్ర, జాతీయ రహదారులకు 500 మీటర్ల అవతల ఉండాల్సిందే. నేటి నుంచి అన్ని ప్రాంతాల్లో   పరిశీలిస్తాం. నిబంధనలకు అనుకూలంగా ఏర్పాటు చేయకపోతే చర్యలు తీసుకుంటాం. పాత దుకాణాలు కూడా మూసి వేయాల్సిందే.
  – చైతన్య మురళి, డీసీ, ఎక్సైజ్‌శాఖ 


 = డిమాండ్ ఉన్నా.. అనుమతిచ్చే ప్రసక్తే లేదు
  = దీనిపై సీఎం, విపక్షాలతో భేటీ అవుతా
  = రాష్ర్టంలో తగ్గిన నాటు సారా తయారీ
  = దశలవారీగా అబ్కారీ శాఖలో 1,700 పోస్టులు భర్తీ
  = అబ్కారీ శాఖ మంత్రి సతీశ్ జారకిహొళి వెల్లడి
  
 సాక్షి ప్రతినిధి, బెంగళూరు : రాష్ట్రంలో కొత్త మద్యం దుకాణాలకు అనుమతినిచ్చే ప్రతిపాదనలేవీ లేవని అబ్కారీ శాఖ మంత్రి సతీశ్ జారకిహొళి స్పష్టం చేశారు. కొత్త అంగళ్లకు డిమాండ్ ఉన్నప్పటికీ ప్రభుత్వం ఈ దిశగా ఎలాంటి నిర్ణయం తీసుకోలేదన్నారు. సోమవారం ఆయనిక్కడ విలేకరులతో మాట్లాడుతూ ‘కొత్త అంగళ్లకు అనుమతినిస్తే ప్రజల నుంచి  తీవ్ర వ్యతిరేకత వ్యక్తమవుతుంది.
 
 గతంలో కూడా ఇలా జరిగింది. కనుక కొత్త అంగళ్లకు అనుమతి ఇవ్వరాదన్న ప్రభుత్వం విధానంలో ఎలాంటి మార్పూ లేదు’ అని వివరించారు. అయితే కొత్త అంగళ్లకు అనుమతి ఇవ్వాలని ప్రభుత్వంపై ఒత్తిడి పెరుగుతున్నందున, దీనిపై ముఖ్యమంత్రితో చర్చిస్తానని అన్నారు. అవసరమైతే  ప్రతిపక్షాలతో కూడా మాట్లాడతానని అన్నారు. అప్పటి వరకు కొత్త అంగళ్ల ప్రస్తావన ఉండబోదన్నారు. అవసరమైన చోట్ల ఎంఎస్‌ఐఎల్ నుంచి చిల్లర దుకాణాలను ప్రారంభిస్తామని వెల్లడించారు.
 
 ఇప్పటికే 400 దుకాణాలకు అనుమతినిచ్చినప్పటికీ, 200 అంగళ్లు ప్రారంభం కావాల్సి ఉందన్నారు. గ్రామీణ ప్రాంతాల్లో కొత్త దుకాణాలకు డిమాండ్ అధికంగా ఉందన్నారు. రాష్ట్రంలో నాటు సారా ఉత్పత్తి 85 శాతం వరకు నిలిచిపోయిందన్నారు. నాటుసారాతో జీవనం సాగించిన రెండు వేల కుటుంబాలను గుర్తించామని, వీరికి సాంఘిక సంక్షేమ శాఖ ద్వారా ప్రత్యామ్నాయ ఉపాధిని కల్పిస్తామని తెలిపారు.
  
 1,700 పోస్టుల భర్తీ
 
  అబ్కారీ శాఖలో 2,200 పోస్టులు ఖాళీగా ఉన్నాయని మంత్రి చెప్పారు. వీటిలో 1,700 పోస్టులను భర్తీ చేయడానికి ఆర్థిక శాఖ అనుమతినిచ్చిందని తెలిపారు. దశలవారీ రెండేళ్లలో ఈ పోస్టులను భర్తీ చేస్తామన్నారు. ఇప్పటికే 200 మంది ఇన్‌స్పెక్టర్లు, 300 మంది గార్డుల నియామక ప్రక్రియ ప్రారంభమైనప్పటికీ, హైదరాబాద్-కర్ణాటక ప్రాంతానికి ప్రత్యేక హోదా లభించినందున కొంత జాప్యం జరిగిందని చెప్పారు. కాగా చిల్లర దుకాణాల్లో నిర్ణీత ధర కంటే ఎక్కువగా మద్యాన్ని విక్రయిస్తున్నట్లు తన దృష్టికి వచ్చిందని, దీనిపై చర్యలు చేపడతామని తెలిపారు. ఈ ఏడాది అబ్కారీ ఆదాయ లక్ష్యం రూ.12,400 కోట్లు కాగా తొలి ఆరు నెలల్లో ఆరు వేల కోట్లను గడించామని  చెప్పారు.