బీజింగ్: చైనా ఈశాన్య ప్రాంతంలో హులుడో నగరంలోని నివాస భవనంలో శుక్రవారం తెల్లవారుజామున పేలుడు సంభవించింది. ఈ ప్రమాదంలో 10 మంది గాయపడ్డారని ఉన్నతాధికారులు వెల్లడించారు. స్థానికుల సహాయంతో పోలీసులు క్షతగాత్రులను నగరంలోని వివిధ  ఆసుపత్రులకు తరలించి... చికిత్స అందిస్తున్నట్లు తెలిపారు. సహాయక చర్యలు కొనసాగుతున్నాయని చెప్పారు. ఈ ప్రమాదానికి వంట గ్యాస్ లీక్ కారణమని భావిస్తున్నట్లు పోలీసులు చెప్పారు. గతనెల 31వ తేదీన ఇదే నగరంలో ఇదే తరహా పేలుడు సంభవించి ఇద్దరు మరణించగా... 11 మంది గాయపడిన సంగతి తెలిసిందే.


 బిజీంగ్: ఈశాన్య చైనాలోని లియావొనింగ్ ప్రావిన్స్లోని బొగ్గు గనిలో బుధవారం తెల్లవారుజామున ఘోర అగ్ని ప్రమాదం సంభవించింది. ఈ ప్రమాదంలో దాదాపు 24 మందికిపైగా మరణించారు. మరో 52 మంది తీవ్రంగా గాయపడ్డారు. క్షతగాత్రులు ఆస్పత్రిలో చికిత్స పొందుతున్నారని ఉన్నతాధికారులు తెలిపారు. సహాయక చర్యలు కొనసాగుతున్నాయని చెప్పారు.
 ఈ ప్రమాదం జరిగిన బొగ్గు గని లియావొనింగ్ ఫుక్సిన్ కోల్ కార్పొరేషన్ రాష్ట్ర ప్రభుత్వ అనుబంధ సంస్థ అని వెల్లడించారు. ఈ కంపెనీలో దాదాపు 5000 వేల మంది కార్మికులు పని చేస్తున్నారు. గత ఏడాది ఫుక్సిన్ గనిలో గ్యాస్ లీకై దాదాపు ఎనిమిది మంది కార్మికులు మృతి చెందిన సంగతి తెలిసిందే.