► జాతీయ సబ్-జూనియర్ సెపక్‌తక్రా టోర్నీ
  
 సాక్షి, హైదరాబాద్: జాతీయ సబ్-జూనియర్ సెపక్‌తక్రా చాంపియన్‌షిప్‌లో తెలంగాణ బాలబాలికల జట్లు సెమీఫైనల్లో పరాజయం చవిచూశాయి. బాలికల విభాగంలో ఒడిశా జట్టు విజేతగా నిలిచింది. విక్టరీ ప్లే గ్రౌండ్స్‌లోని ఇండోర్ స్టేడియంలో గురువారం జరిగిన ఫైనల్లో ఒడిశా జట్టు 2-0తో తమిళనాడుపై విజయం సాధించింది. తొలి రెగులో 17-21, 21-16, 21-16తో రెండో రెగులో 21-5, 21-16తో ఒడిశా గెలిచింది.
 
 అంతకుముందు జరిగిన సెమీఫైనల్లో తమిళనాడు చేతిలో తెలంగాణ ఓడింది. తమిళనాడు 2-0 (22-20, 21-13), (21-19, 23-21)తో తెలంగాణపై గెలిచింది. మరో సెమీస్‌లో ఒడిశా 2-0 (21-2, 21-5), (21-4, 21-7)తో రాజస్తాన్‌పై నెగ్గింది. బాలుర ఈవెంట్‌లో జరిగిన సెమీస్‌లో తెలంగాణ 0-2 (17-21, 21-15, 13-21), (16-21, 18-21)తో ఒడిశా చేతిలో పరాజయం చవిచూసింది.