వరుస సక్సెస్లతో ఫుల్ ఫాంలో ఉన్న యంగ్ హీరో నాని మరో ఘనత సాధించాడు. ఓవర్ సీస్లో నాలుగు మిలియన్ డాలర్ చిత్రాలు ఉన్న హీరోగా నిలిచాడు. ఇప్పటికే నాని హీరోగా తెరకెక్కిన ఈగ, భలే భలే మొగాడివోయ్, నేను లోకల్ సినిమాలు మిలియన్ డాలర్లు సాధించి సత్తా చాటాయి. తాజాగా నాని కొత్త సినిమా నిన్ను కోరి రెండు వారాల్లోనే మిలియన్ డాలర్ క్లబ్లో అడుగుపెట్టింది.
 
 ఈ సినిమాతో ఓవర్ సీస్ నాలుగు మిలియన్ డాలర్ సినిమాల రికార్డ్ ఉన్న ఎన్టీఆర్ (బాద్షా, టెంపర్, జనతా గ్యారేజ్, నాన్నకు ప్రేమతో) సరసన నిలిచాడు నాని. ఆ తరువాత స్థానంలో అత్తారింటికి దారేది, సర్థార్ గబ్బర్ సింగ్, గోపాల గోపాల సినిమాలతో పవన్ రెండో స్థానంలో ఉన్నాడు.


 ఒకప్పుడు సినిమా సక్సెస్ను ఎన్ని రోజులు ఆడింది అన్న దాన్ని బట్టి చెప్పేవారు. కానీ ఇప్పుడు పరిస్థితి మారిపోయింది. స్టార్ హీరోల సినిమాలు కూడా 15 రోజులకు మించి థియేటర్లలో ఉండే పరిస్థితి లేదు. దీంతో సినిమా సక్సెస్ను కలెక్షన్లతో లెక్కవేస్తున్నారు. ముఖ్యంగా స్టార్ హీరోల మధ్య ఈ కలెక్షన్ల రికార్డ్ల పోటి ఎక్కువగా కనిపిస్తోంది. ఇప్పటికే పవర్ స్టార్ పవన్ కళ్యాణ్ సెట్ చేసిన ఓ రికార్డ్ను యంగ్ టైగర్ ఎన్టీఆర్ బ్రేక్ చేశాడు.
 
 ప్రస్తుతం ఉన్న ట్రెండ్లో ఓవర్సీస్లో సాధిస్తున్న కలెక్షన్లు సినిమా సక్సెస్ మీద ఎక్కువగా ప్రభావం చూపిస్తున్నాయి. అందుకే స్టార్ హీరోలందరూ ఓవర్సీస్లో మిలియన్ మార్క్ కలెక్షన్ల కోసం ఆరాటపడుతున్నారు. ఈ లిస్ట్లో భారీ వసూళ్లతో బాహుబలి నెంబర్ వన్ స్థానంలో ఉండగా, మహేష్ శ్రీమంతుడు రెండో స్థానంలో ఉంది. ఇక మొన్నటి వరకు పవన్ అత్తారింటికి దారేది మూడో స్థానంలో ఉండగా, తాజాగా ఎన్టీఆర్ నాన్నకు ప్రేమతో సినిమాతో ఆ పవన్ కలెక్షన్ రికార్డ్ను అధిగమించాడు.
 
 పవన్ కళ్యాణ్, త్రివిక్రమ్ కాంబినేషన్లో రూపొందిన అత్తారింటికి దారేది ఓవర్ సీస్ మార్కెట్లో 11 కోట్ల 34 లక్షలు వసూళు చేసింది. అయితే ఎన్టీఆర్, ఈ రికార్డ్ను కేవలం పది రోజుల్లోనే దాటేశాడు. జనవరి 13న నాన్నకు ప్రేమతో సినిమాతో ఆడియన్స్ ముందుకు వచ్చిన ఎన్టీఆర్, ఇప్పటికే  11 కోట్ల 51 లక్షలకు పైగా వసూళ్లు సాధించాడు. దీంతో ఓవర్సీస్లో పవన్ రికార్డ్ను అధిగమించి హైయస్ట్ కలెక్షన్లు సాధించిన మూడో హీరోగా ఎన్టీఆర్ రికార్డ్ సృష్టించాడు.