నీట్‌ పీజీ కౌన్సెలింగ్‌లో తమ పిల్లలకు సీట్లు వచ్చాయనే సంతోషం కన్నా ఎంత ఫీజు చెల్లించాల్సి వస్తుందోనన్న ఆందోళన ఆ తల్లిదండ్రులను కలవరపెడుతోంది. గత ప్రభుత్వంలో మెడికల్‌ పీజీ కోర్సుల ఫీజులను తగ్గిస్తూ ఇచ్చిన జీఓ ఇప్పుడు రద్దవ్వడంతో.. 2019 ముందు మాదిరిగానే ప్రస్తుతం కూడా ఫీజులు భారీగా పెరిగిపోతాయనే భయం వారికి నిద్రలేకుండా చేస్తోంది. ఫీజుల వ్యవహారంపై స్పష్టత ఇవ్వాలని కోరుతున్నప్పటికీ ప్రభుత్వం ఏమీ పట్టనట్లు వ్యవహరిస్తోందని తల్లిదండ్రులు మండిపడుతున్నారు. దీంతో.. వీరి ఆవేదన అరణ్య రోదనగా మారింది. – సాక్షి, అమరావతి మంత్రి బాధ్యతారాహిత్యం.. ఫీజులపై స్పష్టత ఇచ్చాకే కౌన్సెలింగ్‌ నిర్వహించాలని తల్లిదండ్రులు డిమాండ్‌ చేస్తున్నారు. అయినా ప్రభుత్వం పట్టించుకోవడం­లేదు. ఇటీవల గుం­టూరు­లో వైద్యశాఖ మంత్రి సత్యకుమార్‌ యాదవ్‌ను తల్లిదండ్రులు నిలదీశారు. ‘ఫీజులు ఎంత చెల్లించాలో చెప్పకుండా కౌన్సెలింగ్‌ నిర్వహించడం చరిత్రలో ఇదే మొదటిసారి. ప్రభుత్వం ఫీజులపై స్పష్టత ఇవ్వాలని, ఇబ్బడిముబ్బడిగా ఫీజులు పెంచి తమపై భారం మోపద్దు’ అని ఆయన్ను కోరారు. ఇదే విషయంపై మీడియా సైతం మంత్రిని ప్రశ్నించగా.. ఫీజుల వ్యవహారం ప్రభుత్వ పరిధిలోలేని అంశమని మంత్రి బాధ్యతారాహిత్యంగా బదులిచ్చారు. ప్రైవేట్‌ కళాశాలల విధానాలను సమర్థించేలా ప్రభుత్వ తీరు ఉంటోందని విద్యార్థులు, తల్లిదండ్రులు మండిపడుతున్నారు. కన్వీనర్‌ కోటాలో చేరాలన్నా భయం.2019కు ముందు చంద్రబాబు ప్రభుత్వంలో పీజీ కోర్సుల ఫీజు­లను అమాంతం పెంచేశారు. అప్పటివరకూ కన్వీనర్‌ కోటా­లో రూ.2.09 లక్షలున్న ఫీజును రూ.6.90 లక్షలకు, బీ–కేటగిరి రూ.5.25 లక్షల నుంచి రూ.24.20 లక్షలకు పెంచారు. దీంతో ప్రైవేట్‌ కళాశాలల్లో కన్వీనర్‌ కోటాలో చేరడానికి పేద కుటుంబాల పిల్లలు వెనుకడుగు వేయాల్సిన దుస్థితి నెలకొంది. ఈ ఫీజులను గత వైఎస్‌ జగన్‌మోహన్‌రెడ్డి ప్రభుత్వం 50 శాతం మేర తగ్గించింది. ఫీజులు తగ్గిస్తూ ఇచ్చిన జీఓ–56 ప్రకారం ప్రైవేట్‌ కళాశాలల్లో బీ–కేటగిరి సీట్‌­కు ఏడాదికి రూ.10 లక్షల్లోపే ఫీజు ఉంది. ఇ­లా మూడేళ్లకు రూ.30 లక్షలవుతుంది.పీజీలో చేరాక కోర్సు పూర్తయ్యే నాటికి స్టైఫండ్‌ రూపంలో రూ.6 లక్షల వరకూ వస్తుంది. దీంతో ప్రభుత్వ, ప్రైవేట్‌ ఉద్యోగులు, చిన్న–­సన్నకారు రైతు, సామాన్య కుటుంబాల వారు స్టడీ, పర్సనల్‌ లోన్స్, ఆస్తులు తనఖా పెట్టి రుణాలు తీసుకుని తమ పిల్లలను బీ–కేటగిరి సీట్లలో ధైర్యంగా చేరి్పస్తున్నారు. అంతా సాఫీగా సాగుతున్న సమయంలో జీఓ–­56 రద్దవ్వడంతో, కొ­త్తగా ఎంత మేర ఫీజులు పెంచుతారోనని భయం జూనియర్‌ వై­ద్యులు, వారి తల్లిదండ్రులను వెంటాడుతోంది. ప్రస్తుతం ప్రైవేట్‌లో కన్వీనర్‌ కోటా ఫీజు రూ.4.96 లక్షలుగా ఉంది. ఫీజులు పెరుగుతాయని తెలిసి కన్వీనర్‌ కోటాలో చేరడానికి దిగువ మధ్యతరగతి కుటుంబాలు భయపడుతున్నాయి.ప్రైవేట్‌ కళాశాలల్లో కన్వీనర్, బీ–కేటగిరి సీట్లు పొందిన వారి నుంచి ప్రస్తుతం ఉన్న ఫీజులను వసూలు చేస్తూనే, భవిష్యత్తులో పెరిగే ఫీజు­లు చెల్లించేలా యాజమాన్యాలు బాండ్లు రా­యిం­చుకుంటున్నాయి. ఈ బాండ్‌ రాసివ్వ­డం తప్పనిసరి అని ప్రతి కళాశాలలో నిబంధన. సీటు వదులుకోలేక ఫీజులు ఎంత పెరుగుతాయో తెలియకుండానే బాండ్లు రాసిచ్చామని తల్లిదండ్రులంటున్నారు. 2019కి ముందు మాదిరిగానే ఏడు రెట్లు ఫీజులు పెంచుతారేమోనని ఆందోళన చెందుతున్నారు.అగమ్యగోచరంగా ఉంది.. మొదటి కౌన్సెలింగ్‌లో కన్వీనర్‌ కోటాలో సైకియాట్రి సీట్‌ వచ్చింది. అయితే, సర్జికల్‌ బ్రాంచ్‌లో పీజీ చేయాలనేది కోరిక. బీ–కేటగిరిలో అయినా నేను కోరుకున్న సీట్‌ వస్తుందనే ధైర్యంతో సైకియాట్రీలో జాయిన్‌ అవ్వలేదు. రెండో దశ కౌన్సెలింగ్‌ పూర్తయ్యాక జీఓ–56 రద్దయింది. ఇప్పుడేమో ఫీజులు పెరుగుతాయంటున్నారు. మూడో దశ కౌన్సెలింగ్‌లో బీ–కేటగిరిలో సీట్‌ వస్తే చేరాలంటే ఎంత ఫీజు కట్టాలో కూడా స్పష్టతలేదు. అంతా అగమ్యగోచరంగా ఉంది. మరోవైపు.. హడావుడిగా కౌన్సెలింగ్‌ చేశారు. పక్కనున్న తెలంగాణాలో కౌన్సెలింగ్‌ ఆలస్యం అవ్వడంతో అక్కడి విద్యార్థులు కూడా మన దగ్గర సీట్లు పొందారు. దీంతో ఏపీ విద్యార్థులమైనా సీట్ల పరంగా కూడా తీవ్రంగా నష్టపోతున్నాం. – డాక్టర్‌ కిరణ్, వైద్య విద్యార్థి, విజయవాడ కనీస స్పందన లేదు.. నేను పండ్ల వ్యాపారిని. మా అమ్మాయి ప్రభుత్వ కోటాలో ఎంబీబీఎస్‌ సీటు సాధించి కోర్సు పూర్తిచేసింది. నీట్‌ పీజీలో 24 వేల ర్యాంకు వచ్చింది. తొలి రెండు కౌన్సెలింగ్‌లలో సీటు రాలేదు. మూడో రౌండ్‌లో బీ–కేటగిరి సీట్‌ అయినా వస్తుందని భావిస్తున్నాం. ప్రస్తుతం రూ.10 లక్షల ఫీజు ఆధారంగా అమ్మాయిని ప్రైవేట్‌ కళాశాలలో అయినా చేర్చడానికి డబ్బు సమకూర్చుకునే ప్రయత్నంలో ఉన్నాను. కానీ, ఫీజులు పెరుగుతాయని ఇప్పటికే కళాశాలల్లో చేరిన విద్యార్థులతో నోట్‌లు రాయించుకున్నారట. రూ.20 లక్షల పైనే ఫీజులు పెరిగే అవకాశముందని చెబుతున్నారు. ఇంత పెద్దఎత్తున ఫీజులు పెరిగితే డబ్బున్న వారికే ఉన్నత విద్య అవకాశం ఉంటుంది. సమస్యను ప్రభుత్వం దృష్టికి తీసుకెళ్లినా కనీసం స్పందించడంలేదు. – ఇస్మాయిల్, వైద్య విద్యార్థి తండ్రి, వైఎస్సార్‌ జిల్లా


 విజయవాడ (హెల్త్‌ యూనివర్సిటీ):  2017–18 విద్యా సంవత్సరానికి పీజీ మెడికల్‌ డిగ్రీ/డిప్లొమా కోర్సుల్లో అడ్మిషన్లకు కౌన్సెలింగ్‌ ప్రక్రియ ఏప్రిల్‌ మొదటి వారంలో ప్రారంభమవుతుందని డాక్టర్‌ ఎన్టీఆర్‌ హెల్త్‌ యూనివర్సిటీ వైస్‌ చాన్స్‌లర్‌ డాక్టర్‌ టి.రవిరాజు తెలిపారు. ఈ మేరకు నోటిఫికేషన్‌ విడుదల చేస్తామని పేర్కొన్నారు.
 
 నీట్‌ పీజీ మెడికల్‌ ర్యాంకుల ఆధారంగా దరఖాస్తు చేసుకున్న అభ్యర్థుల మెరిట్‌లిస్టును తయారు చేస్తామన్నారు. అనంతరం ఏప్రిల్‌ మూడో వారంలో మొదటి విడత వెబ్‌ ఆప్షన్లకు గడువిచ్చి, అనంతరం 25వ తేదీ నుంచి 28వ తేదీలోపు సీట్ల కేటాయింపు ప్రక్రియ పూర్తి చేసేందుకు కసరత్తు చేస్తామని వెల్లడించారు. మే 1వ తేదీ నాటికి తరగతులు ప్రారంభమవుతాయని తెలిపారు.


 వెబ్ కౌన్సెలింగ్‌కు సన్నాహాలు!
  
  విజయవాడ (హెల్త్ యూనివర్సిటీ): పీజీ మెడికల్ (డిగ్రీ/ డిప్లొమా) కోర్సుల్లో 2016-17 విద్యా సంవత్సరానికి సంబంధించిన అడ్మిషన్లకు ఏప్రిల్ మూడో వారంలో తొలి విడత కౌన్సెలింగ్ నిర్వహించనున్నట్లు ఎన్టీఆర్ హెల్త్ వర్సిటీ వైస్‌చాన్స్‌లర్ టి.రవిరాజు మంగళవారం తెలిపారు. పారా మెడికల్ కౌన్సెలింగ్ మాదిరిగా పీజీ మెడికల్‌కు ఈ ఏడాది వెబ్ కౌన్సెలింగ్ నిర్వహించేందుకు సన్నాహాలు చేస్తున్నట్లు చెప్పారు. తొలి విడత కౌన్సెలింగ్ పూర్తయిన విద్యార్థులకు మే ఒకటో తేదీకి తరగతులు ప్రారంభమవుతాయని తెలిపారు. కౌన్సెలింగ్ ప్రక్రియ మొత్తం మే 30వ తేదీకి పూర్తి చేస్తామన్నారు.


 
 పీజీ మెడికల్ కౌన్సెలింగ్ ప్రశాంతంగా ప్రారంభం
 
  తొలి రోజు అర్ధరాత్రి దాటే వరకు సీట్ల భర్తీ
 
 విజయవాడ : డాక్టర్ ఎన్టీఆర్ హెల్త్ యూనివర్సిటీలో మెడికల్ పోస్టు గ్రాడ్యుయేషన్, డిప్లొమా కోర్సుల్లో ప్రవేశానికి చేపట్టిన కౌన్సెలింగ్ తొలిరోజైన బుధవారం ప్రశాంతంగా కొనసాగింది. జనరల్ మెడిసిన్ సీట్లు హాటుకేకుల్లా భర్తీ అయ్యాయి. గతంలో చోటుచేసుకున్న పరిణామాలను దృష్టిలో ఉంచుకొని అధికారులు ముందస్తు చర్యలు తీసుకున్నారు. అభ్యర్థులు ఆందోళన చెందకుండా సీట్లు భర్తీ అవుతున్న ప్రక్రియను ఎప్పటికప్పుడు స్క్రీనులపై చూపించారు.
  
 మొదటి రోజు నాన్‌సర్వీస్ జనరల్ కేటగిరీకి సంబంధించి కౌన్సెలింగ్ పక్రియ నిర్వహిం చారు. తొలుత ఫస్ట్ ర్యాంకర్ బి.శ్రీరామిరెడ్డికి వర్సిటీ వీసీ డాక్టర్ టి.రవిరాజ్, రిజిస్ట్రార్ డాక్టర్ ఎస్.బాబూలాల్ అడ్మిషన్ పత్రాన్ని అందజేసి కౌన్సెలింగ్ ప్రారంభించారు. అనంతరం కౌన్సెలింగ్ కమిటీ చైర్మన్‌గా ఉన్న వర్సిటీ రెక్టార్ డాక్టర్ రమణమ్మ నేతృత్వంలో ర్యాం కుల వారీగా వివిధ ప్రభుత్వ, ప్రరుువేటు కళాశాలల్లో పోస్టు గ్రాడ్యుయేషన్, డిప్లొమో సీట్లను భర్తీ చేశారు.
  
 ఎప్పటిలాగానే ఈసారి కూడా జనరల్ మెడిసిన్ సీట్లు హాట్‌కేకుల్లా మారాయి. తొలి  పది మంది ర్యాంకర్లలో ముగ్గరు కౌన్సెలింగ్‌కు గైర్హాజరవగా, మిగిలిన వారిలో ఆరుగురు జనరల్ మెడిసిన్ సీట్లు తీసుకున్నారు. ఒకరు జనరల్ సర్జరీని ఎంచుకున్నారు.
  
 మధ్యాహ్నానికే నాన్‌సర్వీస్ ఓపెన్ కేటగిరికి సంబంధించి ప్రభుత్వ కళాశాలల్లో జనరల్ మెడిసిన్ సీట్లన్నీ భర్తీ అయ్యాయి. సాయంత్రానికిప్రరుువేటు కళాశాలల్లోని కన్వీనర్ కోటా సీట్లకు డిమాండ్ ఏర్పడింది.  
  
 జనరల్ మెడిసిన్ తర్వాత, జనరల్ సర్జరీ, అబ్‌స్ట్రాటిక్ అండ్ గైనకాలజీ, పిడియాట్రిక్, రేడియాలజీ, ఆర్థోపెడిక్ వంటి విభాగాల కోసం పోటీ పెరిగింది. ఆయా విభాగాల్లో పోస్టు గ్రాడ్యుయేషన్‌సీట్లు లభించని వారు డిప్లొమా కోర్సులను ఎంచుకుంటున్నారు. రాత్రి ఏడు గంటల సమయానికి ఆ కేటగిరిలో నాన్‌క్లినికల్ సీట్లు మాత్రమే మిగిలాయి.
  
 ఉస్మానియా, గాంధీ కళాశాలలకు తగ్గని క్రేజ్
 
  రాష్ట్ర విభజన జరిగినప్పటికీ ఉస్మానియా, గాంధీ కళాశాలల్లో అడ్మిషన్లకు క్రేజ్ తగ్గలేదు. పదేళ్ల వరకూ విద్యారంగంలో పాత విధానాన్నే కొనసాగించేందుకు నిర్ణయించడంతో టాప్ ర్యాంకర్లందరూ ఉస్మానియూ, గాంధీ మెడికల్ కళాశాలల్లో సీట్లు పొందేందుకు మొగ్గు చూపారు. మూడో ప్రాధాన్యతగా ఆంధ్రా మెడికల్ కళాశాలలో చేరారు.
  
 టాప్ ర్యాంకర్ కర్నూలు జిల్లా వాసి అయినప్పటికీ ఉస్మానియూలో జనరల్ మెడిసిన్‌సీటు పొందగా, కాకినాడ రంగరాయ కళాశాలలో ఎంబీ బీఎస్ చదివిన నాల్గో ర్యాంకర్ కూడా అక్కడే జనరల్ మెడిసిన్‌లో చేరారు. ఐదో ర్యాంకర్ అనంతపురానికి చెందిన బండపల్లి దివ్యరెడ్డి, కడపకు చెందిన ఆరో ర్యాంకర్ రాం భూపాల్‌రెడ్డి గాంధీ కళాశాలలో జనరల్ మెడిసిన్ సీట్లు పొందగా, హైదరాబాద్‌కే చెందిన ఏడో ర్యాంకర్ బల్లిపల్లి అర్జున్ గాంధీ కళాశాలలో జనరల్ సర్జరీలో సీటు పొందాడు. ఇలా టాప్ ర్యాంకర్‌లందరూ ఉస్మానియా, గాంధీ కళాశాలల్లో చేరేందుకే ఆసక్తి చూపారు.
  
 కట్టుదిట్టమైన ఏర్పాట్లు
  
 కౌన్సెలింగ్‌కు హాజరయ్యే విద్యార్థులకు అసౌకర్యం కలగకుండా యూనివర్సిటీ అధికారులు కట్టుదిట్టమైన ఏర్పాట్లు చేశారు. యూని వర్సిటీ ప్రాంగణంలో షామియానాలు ఏర్పాటు చేయడంతో పాటు, సిల్వర్ జూబ్లీ బ్లాక్‌లో పేరెంట్స్ వేచి ఉండేందుకు ఏర్పాట్లు చేశారు. దీంతో  ఇబ్బందులు తలెత్తలేదు. కౌన్సెలింగ్ జరిగే ప్రాంతంలో సైతం ఎప్పటికప్పుడు స్క్రీన్‌లపై సీట్ల వివరాలు డిస్‌ప్లే చేయడంతో  తాము చేరాలనుకునే కళాశాలల్లో సీట్లు ఎంచుకోవడం విద్యార్థులకు సులభమైంది.