ముంబై:  బాలీవుడ్ మెగాస్టార్ అమితాబ్ బచ్చన్ తన అప్ కమింగ్ మూవీ పీకూ ప్రమోషన్ కార్యక్రమానికి హాజరు కావడంలేదు.  72ఏళ్ల  అమితాబ్ ప్రస్తుతం వైరల్ ఫీవర్తో బాధపడుతున్నట్టు  తెలుస్తోంది. అందుకే ఢిల్లీలో జరగనున్న ప్రమోషన్ కార్యక్రమానికి ఆయన హాజరు కావడం లేదట.
 ఈ విషయాన్ని స్వయంగా అమితాబే  సోమవారం తన ట్విట్టర్ ద్వారా  అభిమానులు, సన్నిహితులతో పంచుకున్నారు.  'జ్వరం కొద్దిగా  తగ్గింది.. ఈ విషయాన్ని అభిమానులతో పంచుకోకపోతే మనసు కుదురుగా ఉండదుగా' అంటూ ఆయన ట్వీట్  చేశారు.
 కాగా దీపికా పదుకొనే , ఇర్ఫాన్ ఖాన్ తదితరులు నటిస్తున్న పీకూ  సినిమా మే 8 ప్రేక్షకుల ముందుకు రాబోతోంది. ఈ మూవీలో దీపికా తండ్రిగా  అమితాబ్ నటిస్తున్న సంగతి తెలిసిందే..