బ్రిటన్: పీత మహా అయితే ఎంతుంటుంది? ఇంతైతే ఉండదు కదా.. అందుకే ఇది పీతలకే పితామహుడి టైపన్నమాట. బ్రిటన్‌లోని పోర్ట్స్‌మౌత్ తీరంలో దొరికిన ఈ భారీ పీత బరువు 4 కిలోలకుపైనే. దీనికెంత బలముందుంటే.. మన చేతిని అలవోకగా పచ్చడిపచ్చడి చేయగలదట. బ్రిటన్ సముద్ర జలాల్లో కనిపించే పీతలు మహా అయితే 3 కిలోల బరువుంటాయట. ఇది వాటన్నిటినీ మించి ఉండటంతో దీన్ని స్థానిక అక్వేరియంలో ప్రదర్శనకు పెట్టారు.