శివ కందుకూరి హీరోగా నటించిన తాజా ఇంటెన్స్‌ లవ్‌ స్టోరీ (గాఢమైన ప్రేమకథ) ‘మను చరిత్ర’. ఇందులో మేఘా ఆకాష్, ప్రగతి శ్రీవాస్తవ్‌ హీరోయిన్లుగా నటించారు. భరత్‌ పెదగానిని దర్శకుడిగా పరిచయం చేస్తూ, ప్రొద్దుటూరు టాకీస్‌ పతాకంపై ఎన్‌. శ్రీనివాస రెడ్డి ఈ చిత్రాన్ని నిర్మించారు. ఈ సినిమాను జూన్‌ 23న విడుదల చేస్తున్నట్లు ప్రకటించి, కొత్త పోస్టర్‌ను రిలీజ్‌ చేశారు మేకర్స్‌. శ్రీ విజయ ఫిల్మ్స్‌ ఈ సినిమా వరల్డ్‌ వైడ్‌ థియేట్రికల్‌ హక్కులను సొంతం చేసుకుంది. ‘‘వరంగల్‌ నేపథ్యంలో సాగే ఇంటెన్స్‌ లవ్‌ స్టోరీ ఇది. ఇందులో ఇంటెన్స్‌ ఉన్న క్యారెక్టర్‌ను శివ చేశారు’’ అని చిత్ర యూనిట్‌ పేర్కొంది. ఈ సినిమాకు సంగీతం: గోపీ సుందర్, కెమెరా: రాహుల్‌ శ్రీవాత్సవ్‌.

ప్రముఖ సినీ జర్నలిస్ట్‌ ప్రభు స్వీయ దర్శకత్వంలో నిర్మించిన చిత్రం ‘రాంగ్‌ గోపాల్‌ వర్మ’. కమెడియన్‌ ‘షకలక’ శంకర్‌ టైటిల్‌ రోల్‌ పోషించిన ఈ సినిమా పోస్టర్‌ను మహిళాభ్యుదయవాది సంధ్య విడుదల చేసి, మాట్లాడుతూ– ‘మహిళల పట్ల చిన్న చూపు కలిగిన ఓ దర్శకుడి చేష్టల్ని ఎండగడుతూ ప్రభు రూపొందించిన ‘రాంగ్‌ గోపాల్‌ వర్మ’ చిత్రాన్ని నేను స్వాగతిస్తున్నాను’ అన్నారు. ‘ఓ ప్రముఖ దర్శకుడి విపరీత చేష్టలతో విసిగిపోయిన నేను ఈ చిత్రాన్ని తెరకెక్కించా. ప్రస్తుతం పోస్ట్‌ ప్రొడక్షన్‌ పనులు జరుగుతున్నాయి. ఈ చిత్రం కోసం నేను రాసిన ‘వర్మా వర్మా వర్మా... ఓ రాంగ్‌ గోపాల్‌ వర్మ... ఇలా కాలింది ఏమిటయ్యా మా ఖర్మ..’ అనే పాటను త్వరలో విడుదల చేస్తాం’ అని ప్రభు తెలిపారు. (రాంగ్ గోపాల్‌ వర్మ) 


 మద్దిలపాలెం: ఆంధ్రప్రదేశ్‌ ఆటోడ్రై వర్స్‌ అండ్‌ వర్కర్స్‌ ఫెడరేషన్‌(ఏఐటీయూసీ) అనుబంధం ఆధ్వర్యంలో మంగళవారం నిర్వహిస్తున్న బంద్‌ను విజయవంతం చేయాలని నగర గౌరవ అధ్యక్షులు జి.వామనమూర్తి పిలుపునిచ్చారు. ఈ మేరకు సోమవారం కృష్ణా కళాశాల సమీపంలోని ఫెడరేషన్‌ కార్యాలయం వద్ద బంద్‌ గోడపత్రిను ఆవిష్కరించారు. ఈ సందర్భంగా నగర ప్రధాన కార్యదర్శి లంకా గోవింద్‌ మాట్లాడుతూ ఆంధ్రప్రదేశ్‌ పునర్‌విభజన చట్టంలో పొందుపరచిన  అంశాలను అమలు చేయడంలో రాష్ట్ర ముఖ్యమంత్రి చంద్రబాబునాయుడు, కేంద్ర బీజేపీ ప్రభుత్వం 5 కోట్ల ఆంధ్రులను మోసం చేసే విధంగా రాజ్యసభలో కేంద్ర ఆర్థికమంత్రి అరుణ్‌జైట్లీ చేసిన వ్యాఖ్యలను వెంటనే ఉపసంహరించుకుని పునర్‌విభజన చట్టంలో ప్రత్యేక హోదా లేదనడం ఆంధ్రప్రదేశ్‌కు అన్యాయం చేయడం తప్ప మరొకటి లేదని విమర్శించారు. ఈ మేరకు నగరంలో అఖిల పక్ష పార్టీలు నిర్వహిస్తున్న బంద్‌కు మద్దతుగా ఆటో కార్మికులంతా కలిసి రావాలని కోరారు.