భోపాల్‌: మధ్యప్రదేశ్‌లోని సత్నా జిల్లాలో ప్రభుత్వ పాఠశాలల్లో చదివే విద్యార్థులందరూ హాజరు పిలిచే సమయంలో ఇకపై ఎస్‌ సార్, ఎస్‌ మేడమ్‌ బదులుగా జైహింద్‌ అనాలని ఆ రాష్ట్ర విద్యాశాఖ మంత్రి విజయ్‌ షా ఆదేశించారు. అక్టోబర్‌ 1 నుంచి ఈ నిర్ణయాన్ని అమలు చేయాలని అన్ని స్కూళ్ల ప్రిన్సిపాళ్లకు ఆదేశాలు జారీ చేసినట్లు పేర్కొన్నారు. ఈ ప్రయోగం విజయవంతమైతే రాష్ట్రంలోని 1.22 లక్షల ప్రభుత్వ పాఠశాలల్లో అమలు చేసేందుకు వీలుగా సీఎం శివరాజ్‌సింగ్‌ చౌహాన్‌ ముందు ప్రతిపాదన తీసుకెళ్తామన్నారు.