పుణే: మహారాష్ట్ర ఓపెన్‌ ఏటీపీ చాలెంజర్‌–100 టెన్నిస్‌ టోర్నీ పురుషుల డబుల్స్‌ విభాగంలో సాకేత్‌ మైనేని–రామ్‌కుమార్‌ రామనాథన్‌ (భారత్‌) జోడీ సంచలన విజయంతో బోణీ కొట్టింది. బుధవారం జరిగిన తొలి రౌండ్‌ మ్యాచ్‌లో సాకేత్‌–రామ్‌ ద్వయం 7–6 (7/5), 6–4తో రెండో సీడ్‌ పీటర్‌ మటూవ్‌స్కీ (పోలాండ్‌)–మాథ్యూ రోమియోస్‌ (ఆ్రస్టేలియా) జంటను బోల్తా కొట్టించి క్వార్టర్‌ ఫైనల్‌ చేరింది. 84 నిమిషాలపాటు జరిగిన ఈ మ్యాచ్‌లో సాకేత్‌–రామ్‌ జోడీ మూడు ఏస్‌లు సంధించడంతోపాటు ప్రత్యర్థి సర్విస్‌ను రెండుసార్లు బ్రేక్‌ చేసింది. ఇతర తొలి రౌండ్‌ మ్యాచ్‌ల్లో అర్జున్‌ –జీవన్‌ (భారత్‌) 6–3, 6–3తో రిత్విక్‌ చౌదరీ–నికీ పూనాచా (భారత్‌)లపై నెగ్గగా... గంటా సాయి    కార్తీక్‌ రెడ్డి–కరణ్‌ (భారత్‌) 6–3, 3–6, 4–10తో ట్రిస్టన్‌–వాల్టన్‌ (ఆ్రస్టేలియా) చేతిలో ఓడారు.


 రోమ్‌: ఇటలీలో జరుగుతున్న ఏటీపీ చాలెంజర్‌ టెన్నిస్‌ టోర్నీలో భారత ప్లేయర్‌ రామ్‌కుమార్‌ రామ్‌నాథన్‌ ముందంజవేశాడు. పురుషుల సింగిల్స్‌ తొలిరౌండ్‌లో రామ్‌కుమార్‌ 6–2, 4–6, 7–6తో సెబాస్టియన్‌ ఓఫ్నెర్‌ (ఆస్ట్రియా)పై చెమటోడ్చి విజయం సాధించాడు. రెండోరౌండ్‌లో ప్రపంచ 126వ ర్యాంకర్, మిఖాయిల్‌ కుకుష్కిన్‌ (కజకిస్తాన్‌)తో రామ్‌కుమార్‌ తలపడనున్నాడు.
 మరోవైపు పోర్చుగల్‌లోని లిస్బన్‌లో జరుగుతున్న మరో ఏటీపీ చాలెంజర్‌ టోర్నీలో భారత ప్లేయర్‌ ప్రజ్ఞేశ్‌ గుణ్నీశ్వరన్‌ తొలిరౌండ్‌లోనే ఓటమిపాలయ్యాడు. జావో డొమింగోస్‌ జరిగిన మ్యాచ్‌లో 5–7, 4–6తో ప్రజ్ఞేశ్‌ పరాజయం పాలయ్యాడు. 


 న్యూఢిల్లీ: దక్షిణ కొరియాలో జరుగుతున్న సవాన్న చాలెంజర్‌ టోర్నీలో భారత ప్లేయర్‌ రామ్‌కుమార్‌ రామ్‌నాథన్‌ శుభారంభం చేశాడు. అన్‌సీడెడ్‌గా బరిలోకి దిగిన రామ్‌కుమార్‌ పురుషుల సింగిల్స్‌ తొలిరౌండ్‌లో 6–4, 7–5తో స్థానిక ప్లేయర్‌ ర్యాన్‌ షేన్‌పై అలవోక విజయం సాధించాడు. గతవారం తాష్కెంట్‌ చాలెంజర్‌ టోర్నీలో రన్నరప్‌గా నిలిచిన రామ్‌కుమార్‌ ఈ టోర్నీలోనూ ఆ జోరును చూపించాడు.
 
 మరోవైపు ఇదే టోర్నీలో బరిలోకి దిగిన యూకీ బాంబ్రీ తొలిరౌండ్‌లోనే ఓటమిపాలయ్యాడు. రెండోసీడ్‌ కాంస్టంటిన్‌ క్రావ్‌చుక్‌ (రష్యా)తో జరిగిన మ్యచ్‌లో 2–6, 6–1, 3–6తో యూకీ పోరాడి ఓడిపోయాడు.   అయితే డబుల్స్‌లో మాత్రం యూకీ క్వార్టర్‌ ఫైనల్లోకి ప్రవేశించాడు. తొలి రౌండ్‌లో యూకీ–క్లెన్‌ బ్రైడెన్‌ (ఇంగ్లండ్‌) ద్వయం 4–6, 6–4, 10–3తో చుంగ్‌–సూన్‌ జంటపై ‘సూపర్‌ టైబ్రేక్‌’లో విజయం సాధించింది.